Årsstudium i friluftsliv gir deg kompetanse i undervisning og rettleiing i friluftsliv med den spektakulære sunnmørsnaturen som klasserom. Studiet er svært relevant for lærarar og andre yrkesgrupper som vil arbeide med barn og unge.
Du får kunnskap om og allsidig kjennskap til ferdsel i ulike former for natur under vekslande tilhøve. Du får mellom anna:
kunnskap om relevante tema som gir eit godt grunnlag for å vegleie og undervise i friluftsliv
kunnskap om og erfaring i vegleiing/undervisning i og om naturen
kunnskapar om samspelet i naturen, og forståing for mennesket sin plass sett frå ein økologisk og naturfilosofisk synstad
kjennskap til dei rammevilkår og krav som er aktuelle i høve til friluftsliv i barnehage, skule og fritid
Ved fullføring av dette studiet skal du kunne planlegge og tilrettelegge for auka friluftslivsdeltaking i samfunnet. Du skal også kunne planlegge og drive opplæring innan friluftsliv for skule, frivillige organisasjonar og andre institusjonar.
Studiet inngår som ein del av Bachelor i Friluftsliv og naturguide ved Høgskulen i Volda, men kan også sjåast på som eit sjølvstendig, avsluttande studium med sikte på auka kompetanse i friluftsliv for arbeid i skuleverk og organisasjonar o.a.
Kunnskap om skred er ein viktig del av undervisninga til studentane på friluftsliv. Vi vart med til Standaleidet som byr på eit fantastisk læringsterreng.
Vis mer
For Sol Idland vart friluftsliv ein livsstil og karriere. Vi vart med vår tidlegare student på jobb i Odda der ho arbeidar for Trolltunga Active.
Vis mer
Mange kjenner Eilev Bjerkerud frå Farmen og Skal vi danse. Vi besøkte vår tidlegare friluftslivstudent på Norefjell der han blant anna driv med hytteservice.
Vis mer
Velkomen til digitalt ope hus på Friluftsliv! Du blir betre kjend med studentar og lærarar, og vi viser deg klipp frå frå studiekvardagen på campus og livet i studiebygda Volda. Her får du svar på ting du kanskje lurer på før du skal søke 15. april!
Vis mer
Studieinnhald
Ny student?
Informasjon om personleg grunnutrustning for studiet: Denne lista er meint som utgangspunkt for vurderingar som du sjølv må gjere. Vent med nye og dyre innkjøp til etter studiestart! Og særleg vintertstyret bør du vente med. Du får likevel ein liste her slik at du allereie nå har ein oversikt over kva du bør ta med hit og kva du må skaffe.
Personleg utsyr som ein må ha:
Ryggsekk
Minst 65 ltr, gjerne større
Dagstursekk
Ca. 40-50 liter, Dette kan også vere same sekken som over.
Sovepose
Til vinterturane må denne tole -20C (Vi kjem med gode råd utpå hausten)
Liggeunderlag
Ikkje kun oppblåsbart, dei kan punktere
Ullundertøy
Også eit sett som skift
Ytterklede, jakke og bukse
Vind og vanntett (regntøy er best når det regnar!)
“Arbeidstøy” til skog og hei og kystsamlingane - regn med å bli skitten!
Lue, vottar, hals og sokkar
Ull!
Tjukk ullgensar/fleccejakke el.
Fjellstøvlar
Inngått!
Kopp, skei, tallerken
Drikkeflaske og termos
Kniv
Spikking mm. Skarp!
Hodelykt
Kompass
Kompass bør ha klinometer til å måle brattheit
Kartmappe
Notisblokk og blyant
Til å ha i kartmappa
Personlig førstehjelpsutstyr
Vi kjem nærmare tilbake til innhald
Solbriller
Skiutstyr
Fjellski, sko og stavar. Vi kjem med gode råd utpå hausten
Snøspade og søkestang
Vi kjem med gode råd utpå hausten
Personleg utstyr som ein bør ha:
Gummistøvlar og solid vasstett regntøy
(Oljehyre/ tjukt regntøy er best når det regnar!)
Gamasjar
Fotposar
Kortbukse/badetøy
Personleg utstyr som kan vere kjekt å ha:
Tursag og turøks
Fiskestong
Kikkert
Myggnett/ flottfjerner
Kokeapparat, kaffikjele
Tarp (gapahukduk)
Fjellduk/ jervenduk/ bivypose
Krav til utstyr eller ferdigheter
Friluftsliv og naturguidestudiet er eit praktisk og fulltids studium der ein er veldig mykje ute på tur gjennom året. Frå studiestart til og med veke 41 er vi borte på tur heile eller delar av vekene, bortsett frå veke 37, der undervisninga foregår i Volda.
Som student på friluftsliv og naturguidestudiet må du vere fysisk og mentalt skikka til å ta vare på deg sjølv i variert natur. Du må vere utstyrsmessig utrusta til å gjennomføre undervisningsopplegga med overskot.
Studenter må:
vere symjedyktig (også i kaldt vatn).
kunne ferdast til fots i ulendt terreng.
kunne ferdes på ski (fjellski) med full oppakning under varierte forhold.
kunne bo i telt eller andre former for bivouak.
Krav til obligatorisk deltakelse
Normal undervisning på studiet har obligatorisk deltaking og krev eit oppmøte på minst 80 %.
Studiet består av fleire praktiske eksamener («ferd»/tur eller samling). Desse krev 100 % deltaking for bestått eksamen. Dersom du går glipp av heile eller delar av eksamenssamlingar kan du bli nødt til å ta samlinga på nytt påfølgjande studieår. Ved manglende deltaking på eksamenssamlingar kan du miste retten til å fortsette på studiet.
Individuell tilrettelegging
Har du utfordringer i form av sykdom/ skader eller anna som kan gjere det utfordrande for deg å studere på Friluftsliv og Naturguidestudiet?
Hensikta med individuell tilrettelegging er å gje alle studentar dei same utdanningsmoglegheitene og å fjerne unødige hindringar. Viss du har behov for tilrettelegging, er usikker på om du har rett på tilrettelegging eller har spørsmål knytta til tilrettelegging av studiekvardagen vil vi gjerne høyre frå deg! Ta kontakt på tilrettelegging@hivolda.no
Opptakskrav
Generell studiekompetanse.
Undervisningsmåtar og vurderingsordningar
Undervisninga baserer seg på studentaktive arbeidsmåtar som krev deltaking og medansvar. Teori og praksis vil følgje kvarandre gjennom turar og aktivitetar i ulike naturtypar og til alle årstider. Arbeidsmåten og organiseringa er tilrettelagt gjennom lærarstyrte aktivitetar inne og ute, førelesingar, nettbasert læringsarbeid, sjølvstendig studentarbeid, eigenstudie, gruppearbeid, studentseminar og eigenferder. Fleire av dei praktiske undervisningsdelane blir gjennomført som turar over fleire døgn.
Enkelte ferdigheitsprøver er lagt inn. Les meir i studie- og emneplanane.
Aktuelle yrke og vidare studium
Årsstudiet kvalifiserer for arbeid i mellom anna skuleverket, reiselivet og organisasjonar. Det kan godskrivast i Bachelor i friluftsliv og naturguide ved Høgskulen i Volda.
Tidspunkt for oppmøte og samlingar
Studiestart for alle nye studentar er tysdag 19. august 2025.
10.00 – 15.00 Introduksjon til friluftsliv og naturguidestudiet. Obligatorisk deltakelse.
11.00- 12.00AKF lunsj (gratis lunsj for studentene)
Torsdag 21. august
09.30 – 16.00Studie- og emneinformasjon IKF106 friluftsliv 1. Obligatorisk deltakelse.
Fredag 22. august
09.30 – 16.00Undervisning, turplanlegging «Skog og hei» samling. Obligatorisk deltakelse.
«Skog og hei» samling (uke 35)
Mandag 25. august
09.30 – 16.00Undervisning, ferdråd og forberedelser til «Skog og hei» samlinga. Obligatorisk deltakelse. (Ferdrådet og hele samlingen er obligatorisk eksamen.)
Tirsdag 26. august – fredag 29. august
Tur – overnatting i telt i fast leir
«Fjell- og brelandskap» ferd (uke 36)
Mandag 1. september
10.30 – 16.15Ettertanker, undervisning, ferdråd og forberedelser til «Fjell- og brelandskap» ferden. Obligatorisk deltakelse. (Ferdrådet og hele samlingen er obligatorisk eksamen.)
Ved fullføring av dette studiet skal studenten kunne planlegge og tilrettelegge for auka friluftslivsdeltaking i samfunnet. Studenten skal også kunne planlegge og drive opplæring innan friluftsliv for skule, frivillige organisasjonar og andre institusjonar. Studiet inngår som ein del av Bachelor i Friluftsliv og naturguide ved HVO, men kan også sjåast på som eit sjølvstendig, avsluttande studium med sikte på auka kompetanse i friluftsliv for arbeid i skuleverk og organisasjonar o.a. Studiet er svært relevant for lærarar og andre arbeidsgrupper som vil arbeide med barn og unge.
Læringsutbytte
I samsvar med det nasjonale kvalifikasjonsrammeverket har studenten følgjande læringsutbytte etter fullført studium:
Kunnskapar
Studenten
har kunnskap om relevante tema som gir eit godt grunnlag for å vegleie og undervise i friluftsliv
har kunnskap om og erfaring i vegleiing/undervisning i og om naturen
har kunnskapar om samspelet i naturen, og forståing for mennesket sin plass sett frå ein økologisk og naturfilosofisk synstad
har kjennskap til dei rammevilkår og krav som er aktuelle i høve til friluftsliv i barnehage, skule og fritid
har kunnskap som gir ei god plattform for vidare studium i friluftsliv
Ferdigheiter
Studenten
har ferdigheiter som gir godt grunnlag for sikker ferdsel i ulike naturtypar under vekslande tilhøve, bygd på opplevingar og erfaringar i naturen
har solide grunnleggande ferdigheiter og kan formidle haldningar som gjer at ein kan ferdast trygt i naturen med enkle hjelpemiddel
Kan organisere og leie grupper i ulike naturtypar under vekslande forhold
Generell kompetanse
Studenten
har forståing for faget sitt potensiale til å fremje berekraftig utvikling og forvaltaransvar, og utvikle samhandling i naturen
kan vurdere eigne og andre sine føresetnader i høve til å takle ulike utfordringar i naturen
har evne til å formidle og presentere faget munnleg, skriftleg og gjennom praktiske opplegg ute i naturen
Organisering og arbeidsmåtar
Studiet er sett saman av to emne, kvart på 30 studiepoeng. Emne IKF107 byggjer på emne IKF106. Arbeidsmengda skal vere omlag 1.600 arbeidstimar per 60 studiepoeng.
Undervisninga baserar seg på studentaktive arbeidsmåtar som krev deltaking og medansvar. Teori og praksis vil følgje kvarandre gjennom turar og aktivitetar i ulike naturtypar og til alle årstider. Arbeidsmåten og organiseringa er tilrettelagt gjennom lærarstyrte aktivitetar inne og ute, førelesingar, nettbasert læringsarbeid, sjølvstendig studentarbeid, eigenstudie, gruppearbeid, studentseminar og eigenferder. Fleire av dei praktiske undervisningsdelane blir gjennomført som turar over fleire døgn. Enkelte ferdigheitsprøver er lagt inn.
Studieprogresjon
Studiet er bygget opp slik at studentane stegvis beveger seg mot meir krevande oppgåver. Vi kan dermed arbeide med ”Tur/oppgave etter evne”. Den ”eigenaktiviteten” studentane har i form av praksis og turar skal være innen rammar, område- og aktivitetstype som er gjennomgått i undervisning.
Friluftsliv - årsstudium
Navn:
Friluftsliv - årsstudium
Informasjon
Studiet er sett saman av to emne på 30 studiepoeng.
Friluftsliv årsstudium kvalifiserer deg til å arbeide med grupper i varierte naturtypar. Studiet gir deg moglegheit til å vere fysisk aktiv, og studenten lærer å ha ansvar for og leie grupper med tanke på tryggleik, oppleving og læring.
IKF 106 Friluftsliv 1. Det første emnet har vekt på basisferdigheiter og kunnskapar for å kunne arbeide med grupper i naturen. Studiet er bygt opp rundt friluftsliv ved kysten, friluftsliv frå fjøre til fjell, kanopadling og ferdsel i fjell- og brelandskap. I tillegg til dagsturar blir det ca fem veker til saman med overnatting ute. Det er lagt inn ei veke med eigenferd i grupper, samt åleinetur. I tillegg til dette er det ca. ei veke med observasjonspraksis. Viktige tema er veglederlære og turleiing, friluftsliv og samfunn, naturkjennskap og utstyrslære.
IKF 107 Friluftsliv 2. Det andre emnet har hovudtema snø, ski og fjell. Faglig målsetting er å gjere studentane i stand til å ha med seg ulike grupper ute om vinteren. Snø- og skredlære er eit viktig fokus tidlig på vinteren, før studieturar i vinterskog og vinterfjell. Seinare på våren kjem vårskisamling. I tillegg til rundt tre veker med utandørs overnatting med vegleiar, kjem ein til å ha ei veke med veglederpraksis og ei veke med eigenferd.
Studenten må vere fysisk og mentalt skikka til å ta vare på seg sjølv i variert natur. Studenten må vere utstyrsmessig utrusta til å gjennomføre undervisningsopplegga med overskot. Studenten må vere symjedyktig og kunne ferdast til fots i ulendt terreng og på ski med full oppakning under varierte forhold. Under samlingane vil ein bu i telt eller ulike former for bivouak.
Krav om skikkavurdering og autorisasjon
Studiet har praksis og det skal leverast politiattest.
Praksis
Fire dagar observasjonspraksis og fem dagar vegleiarpraksis.
Kostnader
Det blir kravd inn kr 400,- pr. semester i materialpengar, som skal dekke bruk av utstyr og materiell.
