Bachelorgrad

Friluftsliv og naturguide

Heiltid

Høgskulen i Volda har eit høgt kvalifisert fagmiljø innanfor idrett og friluftsliv. Mykje av undervisninga er lagt til den varierte og utfordrande sunnmørsnaturen. Høgskulen har også eigen kystfriluftslivsbase med både naust, båtar, telt og hamner.

Følg oss på Facebook

 

Stengt for søking

Søknadskode : 223 440

Innblikk

Sol Idland

For Sol Idland vart friluftsliv ein livsstil og karriere. Vi vart med vår tidlegare student på jobb i Odda der ho arbeidar for Trolltunga Active.

Eilev Bjerkerud

Mange kjenner Eilev Bjerkerud frå Farmen og Skal vi danse. Vi besøkte vår tidlegare friluftslivstudent på Norefjell der han blant anna driv med hytteservice. 

Skredkurs

Kunnskap om skred er ein viktig del av undervisninga til studentane på friluftsliv. Vi vart med til Standaleidet som byr på eit fantastisk læringsterreng.

Framsidetest_3

En perle i anmarsj

Høsten 2015 flyttet Petter Westgaard fra naturskjønne Narvik for å studere friluftsliv ved Høgskulen i Volda. Dette har han ikke angret på.

Arktisk friluftsliv på Svalbard

Arktisk friluftsliv på Svalbard

I leiren var det viktig å holde orden. Alle pulker og ski skulle stå utenfor teltet på fremsiden, og kun det nødvendige skulle inn i teltet. Vi måtte være klare for å evakuere leiren i tilfelle isbjørnbesøk.

Dansken og fjellet

Dansken og fjellet

Jeg hørte bare noen sinnssyke lyder utenfor teltet. Det kunne være elg for alt jeg visste. Eller isbjørn.

Friluftslivstudenter i Davos

Fikk innblikk i avansert skredvarsling

Friluftslivstudenter fra Høgskulen i Volda fikk gjennom ei uke i Davos lære hvordan de sikrer seg mot snøskred i Sveits.

Ytste Skotet

Fikk naturguideutdanning og bachelorgrad i ett

Daniel Strand manglet ett år med studier for å fullføre en bachelorgrad i friluftsliv. Da han fikk høre at naturguideutdanninga ved Høgskulen i Volda var et alternativ til det, heiv han seg på med en gang.

Skal bli forbilde for folk på tur

Skal bli forbilde for folk på tur

Smeltevatn frå breen fossar ned fellsida. Vi har akkurat kryssa elva ved å hoppe på glatte steinar, på vår ferd mot blå is.

Info og frister

Varigheit 6 semester (3 år)

Studiepoeng 180

Start Haust

Søknadsfrist 15.04.2019

Studieinnhald

Studieprogrammet skal gi deg personleg og fagleg utvikling både teoretisk og praktisk, og kompetanse til å forstå og utøve profesjonsrolla som friluftslivsvegledar og naturguide. 

Det første studieåret får du grunnleggande innføring i friluftsliv og vegledning. Undervisninga er lagt til ulike naturtypar. Det andre studieåret er naturguiding i fokus, og du skal opparbeide solide og omfattande ferdigheiter som guide sett i høve til reiseliv og turisme. Fokus vil vere retta mot å gi gjestar ei trygg og god naturoppleving. I det tredje året vert det lagt vekt på helsefremjande arbeid og motivasjonsspsykologi.

Opptakskrav

Generell studiekompetanse.

Internasjonalisering

Det er mogleg å ha internasjonal utveksling i haustsemesteret i det tredje studieåret. Studentar kan gjennomføre dette semesteret ved ein av våre samarbeidsinstitusjonar i Australia, Canada og Tsjekkia.

Undervisningsmåtar og vurderingsordningar

Undervisninga er basert på studentaktive arbeidsmåtar som krev deltaking og medansvar. Opplevingar og erfaringar studentane får ute vil gi grunnlag for drøftingar og anna studiearbeid. Studiearbeidet vil dermed veksle mellom turprega utandørsopphald, som kan vare over fleire døgn, gruppearbeid, plenumsdrøfting og forelesing. Semesterplanen gir nærare informasjon om obligatoriske delar i studiet. Les meir om vurderingsordningar og eksamen i studie- og emneplanane.

Aktuelle yrke og vidare studium

Bachelor i friluftsliv og naturguide kvalifiserer til arbeid med friluftsliv og naturguiding i det offentlege, i frivillige organisasjonar og i det private næringslivet. Utdanninga gir deg ei grunnleggande og brei kompetanse til å kunne arbeide med opplæring, guiding og helsefremjande arbeid med ulike målgrupper i naturen.

Bachelorgraden kan gi grunnlag for opptak til mastergrad innanfor fagfeltet.

Kontakt

For spørsmål om opptak:
Studentsørvis, tlf. 70 07 50 18
eller e-post 

For faglege spørsmål:
Stig Løland

Studieplan

Bachelor i friluftsliv og naturguide

Studieprogram: 
Bachelorstudium i friluftsliv og naturguide
Studienivå: 
Bachelor (grunnivå)
Studiepoeng: 
180
Studielengd: 
6 semester
Kull: 
2019
Studieplassar: 
25
Studietype: 
Bachelorgradsstudium
Organisering
Heiltid
Opptakskrav

Generell studiekompetanse. 

Om studiet

Det 3-årige studiet på 180 studiepoeng i friluftsliv og naturguide vil gje deg kompetanse til å forstå og utøve profesjonsrolla som friluftslivsvegleder og naturguide. Studieprogrammet skal gi personleg og fagleg utvikling både teoretisk og praktisk og er bygd på allsidige aktivitetar i naturen.

Det første studieåret gir grunnleggjande innføring i friluftsliv og vegledning i friluftsliv i ulike aktivitetar i ulike naturtypar og landskap. Hovudvekta er lagt på å bygge solide basisferdigheiter og gir praktiske ferdigheiter, kunnskapar, holdningar  og erfaringar knytt til å ha ansvar for grupper på tur.

Det andre studieåret har naturguiding som fokus. Dette året får studentane solide og omfattande ferdigheiter som guide for å kunne arbeide i ein reiselivssamanheng med fokus på å gje gjestar på tur ei trygg og god oppleving. Det ligg også eit metodeemne i vårsemesteret som skal førebu studenten på å skrive bacheloroppgåve i 6. semester

Det tredje året i bacheloren har fokus på helsefremjande arbeid og Ex Phil i haustemesteret. Dette semesteret kan ein og vere med på utveksling. I Vårsemesteret ligg det emna motivasjonspsykologi og bacheloroppgåve. Vårsemesteret er obligatorisk.

Bachelor i friluftsliv og naturguide har 180 studiepoeng i faget, med inntil 115 stp på fordjupingsnivå. Det første og andre året i bacheloren består av obligatoriske emne. Det er moglegheit for internasjonal og nasjonal utveksling i høstsemesteret det tredje studieåret (5. semester). Studentar kan gjennomføre dette semesteret ved våre samarbeidande institusjonar i Australia, Canada og Tsjekkia.

Med bachelor i friluftsliv og naturguide er kandidaten kvalifisert til arbeid med friluftsliv og naturguiding i det offentlege, i frivillige organisasjonar, i det private næringsliv og for å kunne studere vidare på masterstudium. Etter tre studieår står studenten med ein brei bakgrunn for å kunne arbeide med opplæring, guiding og helsefremjande arbeid med ulike målgrupper i naturen.

Læringsutbytte

I tråd med det nasjonale kvalifikasjonsrammeverket har studenten følgjande læringsutbytte etter fullført studieprogram.

 

Kunnskapar

Kandidaten 

  • kan gjere greie for og drøfte fagfeltet si historie, tradisjon, eigenart og samfunnsrelevans
  • forstår eit breitt spekter av sentrale tema, teoriar, problemstillingar, endringsprosessar, analyseverkty og metodar innafor friluftslivsfaglege kompetanseområde
  • kan gjere greie for naturbasert reiseliv og forstår både oppgåva og ansvaret i naturguiding som profesjon 
  • kan forklare bruk av friluftsliv som helsefremjande aktivitet
  • Kan forklare motivasjonsprosessar
  • kan identifisere vitskapsteoretiske og metodiske føresetnader for forskingsbidrag innan fagfeltet
Ferdigheiter

Kandidaten

  • kan planleggje, gjennomføre og evaluere friluftsliv over fleire dagar for mange ulike målgrupper
  • har eigenferdigheit og kan utøve trygg ferdsel både for seg sjølv og andre som ein har ansvar for
  • kan rettleie andre og drive opplæring for andre i friluftsliv
  • kan guide grupper i ulike former for natur.
  • kan bruke faglege analyseverkty, teknikkar og uttrykksformer
Generell kompetanse

Kandidaten

  • har særskild god kunnskap om fjell- og kystlandskap på Sunnmøre og ei aktiv tilnærming til å bli kjent med nye landskap
  • utøver kritisk og sjølvstendig tenking og refleksjon over eigen praksis
  • kan reflektere over relevante fag- og yrkesetiske problemstillingar
  • kan presentere problemstillingar, synspunkt og løysningar, både skriftleg, munnleg og gjennom andre relevante uttrykksformer
  • kan formidle og drøfte sentralt fagstoff
  • er kjend med nytenking og innovasjonsprosessar

 

Organisering og arbeidsmåtar

Undervisninga baserer seg på studentaktive arbeidsmåtar som krev deltaking og medansvar. Teori og praksis vil følgje kvarandre gjennom turar og aktivitetar i ulike naturtypar og til alle årstider. Arbeidsmåten og organiseringa er tilrettelagt gjennom lærarstyret aktivitetar inne og ute, førelesingar, sjølvstendig studentarbeid, eigenstudie, gruppearbeid, studentseminar og eigenferder. Fleire av dei praktiske undervisningsdelane blir gjennomført som turar over fleire døgn. Ferdigheitsprøver kan bli lagt inn

Navn: 
Bachelor i friluftsliv og naturguide
Emne2019 Haust2020 Vår2020 Haust2021 Spring2021 Haust2022 Vår
Obligatoriske emner
30
30
15
15
15
15
Valemne
30
 
10
 
Helsefremjande arbeid
20
 
Internasjonalisering
30
Obligatoriske emner
IKF204 Motivasjonspsykologi
15
Det er 2 ulike val for bacheloroppgåve: Bacheloroppgåve eller bacheloroppgåve - prosjekt og praksis. Bacheloroppgåve - prosjekt og praksis er anbefalt for dei som vil rette kompetansen mot naturguiding.
15
 
Bacheloroppgåve
15
 
15
Krav til utstyr eller ferdigheiter

Studenten må vere fysisk og psykisk skikka til å ta vare på seg sjølv i variert natur. Studenten må vere symjedyktig og kunne ferdast til fots og på ski med full oppakning.

 

Krav om skikkavurdering og autorisasjon

Studiet har praksis og det skal leverast politiattest.

Praksis

Første året er det både observasjonspraksis og rettleiarpraksis. Tredje året er det praksis med helsefremjande arbeid knytt til utviklingsarbeid. 

Internasjonalisering

Det er mogleg å reise på utveksling i 5. semester til ein av våre samarbeidende institusjonar. Ta kontakt med studieprogramleiar for meir informasjon.

Kostnader

Materialavgift. Kr. 400 pr. semester.

Evaluering og kvalitetssikring

Emnet vert evaluert i samsvar med HVO sitt kvalitetssikringssystem. (http://www.hivolda.no/hivolda/om-hogskulen/kvalitetsarbeid)

Ansvarleg
Stig Løland