Studiet skal gi deg grunnleggande kunnskap og ferdigheiter innanfor kroppsøving, idrettsfag og helse. Du får tilgang til gode fasilitetar som idrettshall, treningsbaner, treningsrom, testlaboratorium og sjølvsagt den praktfulle sunnmørsnaturen.
Studiet kvalifiserer deg for arbeid innanfor idrett- og kroppsøvingsfaget. Aktuelle arbeidsstader vil vere skuleverket, vaksenopplæring, kulturforvaltning, Forsvaret og private tiltak innanfor fritidssektoren. Utdanninga vil også gi grunnlag for arbeid innanfor førebyggjande helsearbeid og rehabilitering, og arbeid med born og unge med spesielle behov.
Fullført bachelorgrad kvalifiserer for opptak på Praktisk-pedagogisk utdanning (PPU) som gir deg undervisningskompetanse i skulen.
MERK! Regjeringa går inn for å forlenge unntaket frå krav om mastergrad for opptak til Praktisk-pedagogisk utdanning (PPU), for søkarar med bachelor i praktiske og estetiske fag, fram til 2030. Du kan då bygge på med PPU om du ønskjer undervisningskompetanse i skulen.
Velkomen til digitalt ope hus på Idrett! Du blir betre kjend med studentar og lærarar, og vi viser deg klipp frå frå studiekvardagen på campus og livet i studiebygda Volda. Her får du svar på ting du kanskje lurer på før du skal søke 15. april!
Vis mer
Idrettsstudent Siri Stranden føler seg så heldig som får halde på med det artigaste ho veit på skulen – idrett – og samtidig lære om teorien bak det.
Vis mer
"På idrett har vi eit variert utval av praktisk undervisning og aktivitetar, og teoretisk undervisning som henge tett saman med det praktiske. Vi har dei kjekkaste og flinkaste lærarane som underviser oss i alt frå dans, fotball, handball, volleyball, basket, svømming, friidrett, turn, orientering og alpint, undervisningslære, treningslære, aktivitetslære, motorisk læring og mykje meir! Samt heilt utruleg mykje forskjellige typar leik og aktivitetar i sal!
Lærarane er så flinke til å kople teori og praksis saman og eg angrar ikkje eit sekund på at eg valde å studere idrett! I tillegg så er klasse- og studiemiljøet heilt unikt når ein studerer eit praktisk studie. Ein treng absolutt ikkje å vere i god fysisk form eller drive med idrett for å gå Idrett og kroppsøving i Volda.
På fritida spelar eg volleyball for KFUM Volda og likar elles å bruke tida på tur eller trening. Om du er like glad i trening, tur, fjell og idrett som meg, så søk Høgskulen i Volda du også."
Bli med inn i en av Norges mest kjente seilskuter, der Volda-studenter har praksis og får lære å seile på den tøffe måten, samtidig som de støtter ungdom i utenforskap som også er med på seilasen.
Du skal opparbeide deg ferdigheiter til å legge til rette for og gjennomføre helsefrejmmande og førebyggjande tiltak, med særleg vekt på fysisk aktivitet. Du får mellom anna kunnskap om prestasjonsutvikling, ernæring, ski og metode, helsefremjande arbeid og motivasjonspsykologi.
Opptakskrav
Generell studiekompetanse.
Praksis og utveksling i utlandet
Studentane kan gjennomføre delar av studiet ved utdanningsinstitusjonar i utlandet.
Undervisningsmåtar og vurderingsordningar
Undervisninga og arbeidsmåtane varierer mellom forelesingar, seminar, gruppe- og individuelt arbeid, praksis og ekskursjonar, aktivitetar i nærmiljø, ved kysten, på baner, i symjehall og i sal.
Det vert nytta studentaktive arbeidsmåtar som krev eigenstudie, deltaking og medansvar. Canvas vert nytta i kommunikasjon med studentane.
Les om vurderingsordningar og eksamen i studie- og emneplanane.
Aktuelle yrke og vidare studium
Studiet kvalifiserer deg for arbeid innanfor idrett- og kroppsøvingsfaget. Aktuelle arbeidsstader vil vere skuleverket, vaksenopplæring, kulturforvaltning, Forsvaret og private tiltak innanfor fritidssektoren. Utdanninga vil også gi grunnlag for arbeid innanfor førebyggjande helsearbeid og rehabilitering, og arbeid med born og unge med spesielle behov.
Fullført bachelorgrad kvalifiserer for opptak på Praktisk-pedagogisk utdanning (PPU) som gir deg undervisningskompetanse i skulen.
Fullført bachelorgrad kvalifiserer også for opptak til vidare studium på masternivå.
Dette programmet gir deg kompetanse i kroppsøving, idrettsfag og helsrfremmande arbeid. Kompetansen kan nyttast til arbeid innan idretten og i andre frivillige organisasjonar, i den kommersielle treningsbransjen og i anna arbeid knytt til fysisk aktivitet og helse i privat og offentlig sektor.
Etter fullført bachelor kan du søke vidare på masterutdanning. Med praktisk pedagogisk utdanning (PPU) er du kvalifisert til å undervise i idrett og kroppsøving i skuleverket.
Bachelor i idrett og kroppsøving har minimum 180 studiepoeng i faget, med inntil 75 studiepoeng på fordjupingsnivå. Studentar kan gjennomføre delar av studiet ved våre samarbeidande institusjonar internasjonalt. Ei mogleg utveksling ligg i 4. semester.
Første året består av obligatoriske emne og gir ei grunnleggjande innføring i idrett og kroppsøving. Kunnskap om treningslære, bevegelselære, samfunnsmessige perspektiv på idrett og kroppsøving, psykologiske tema, motorisk læring og undervisningslære er sentralt. Studentane får prøve seg i ulike aktivitetsformer og i variert undervisning, samt reflektere rundt korles dette er eigna for å fremje kroppsleg læring, positiv sjølvforståing og rørsleglede for alle elevar og idrettsutøvarar. Den fagspesifikke kompetansen vert tileigna gjennom praktisk og teoretisk undervisning.
Andre året i bacheloren gir fordjuping i treningslære, og mulighet for å velge mellom ei rekke ulike emne ut frå interesse. Ein kan kan her også velge å ta eit anna skulefag for å skaffe seg breiare undervisningskompetanse om ein siktar på å bygge vidare til ei lærarutdanning.
Tredje året i bacheloren tek for seg helsefremjande arbeid og metode i haustsemesteret. Her kan ein også velge interasjonalisering. I vårsemesteret lærerstduentane meir om motivasjonspsykologi, i tillegg skal dei her skrive ei bacheloroppgåve. Vårsemesteret er obligatorisk.
Læringsutbytte
I tråd med det nasjonale kvalifikasjonsrammeverket har studenten følgjande læringsutbytte etter fullført bachelorutdanning i idrett og kroppsøving:
Kunnskapar
Kandidaten:
har kunnskap om eit breitt spekter av sentrale tema, teoriar, problemstillingar, endringsprosessar, didaktikk, analyseverkty og metodar innanfor kroppsøvings- og idrettsfaglege kompetanseområde
har fagkunnskap, didaktisk kunnskap, erfaringar og opplevingar knytt til dei ulike disiplinane innanfor fagfeltet idrett og kroppsøving
ha kunnskap om ernæring knytt til fysisk aktivitet
kan forklare bruk av fysisk aktivitet som helsefremjande aktivitet
har kunnskap om motivasjonsprosessar
kan identifisere vitskapsteoretiske og metodiske føresetnader for forskingsbidrag innan fagfeltet
Ferdigheiter
Kandidaten
har grunnleggjande kunnskap og ferdigheit i eit utval idrettar/aktivitetar
kan planleggje, leie, leggje til rette for, gjennomføre, rettleie og vurdere allsidig aktivitet for ulike målgrupper på ulike utviklingsnivå og med ulike føresetnader
kan legge til rette for og gjennomføre helsefrejmmande og førebyggjande tiltak, med særleg vekt på fysisk aktivitet
kan bruke digitale verktøy og arbeidsmetoder i faget, faglege analyseverktøy, teknikkar og uttrykksformer
Generell kompetanse
Kandidaten
kan identifisere og analysere faglige utfordringar innanfor kroppsøving og idrett
kan utøve kritisk og sjølvstendig tenking og refleksjon i teori og praksis
presenterar problemstillingar, synspunkt og løysingar, både skriftleg, munnleg, digitalt og gjennom andre uttrykksformer
reflekterer over relevante fag- og yrkesetiske problemstillingar
formidlar og drøftar sentralt fagstoff
har innsikt i forskings- og utviklingsarbeid innanfor fagfeltet
Organisering og arbeidsmåtar
Studiet legg opp til studentaktive arbeidsmåtar som krev eigenstudium, deltaking og medansvar. Det vekslar mellom forelesing, seminar, digitalt læringsarbeid, nettbasert undervisning, gruppearbeid, ekskursjonar, individuelt arbeid, praksis og varierte aktivitetar i ulike miljø. Opplevingar, observasjonar og erfaringar ein får i praktisk aktivitet vil være grunnlag for drøfting og refleksjon.
Bachelorgraden på 180 studiepoeng er fordelt over tre år med 60 studiepoeng per år. Arbeidsmengda skal vere omlag 1.800 arbeidstimar per 60 studiepoeng.
Studentar som ynskjer å ta skulefag som valemne 2. studieår, kan ta anten 30 studiepoeng haust eller 60 studiepoeng haust og vår. Studentar som tek 60 studiepoeng skulefag, må ta IKF201 Prestasjonsutvikling haust 5. semester istadenfor IKF203 Metode.
30
30
Skulefag kan vere eit årsstudium i musikk, kunst og handverk, engelsk, norsk (nordisk), historie, religion eller skuleretta samfunnsfag.
Det er ein føresetad at studentane er symjedyktige og er fysisk skikka til å vere aktivt deltakande på ulike aktivitetar både ute og inne til ulike årstider.
Krav om skikkavurdering og autorisasjon
Studiet har praksis og det skal leverast politiattest.
Praksis
Bachelorstudiet har praksis på alle tre studieår. På første året er det instruksjonspraksis i skule, organisert idrett eller anna relevant praksis. På andre året er praksis knytt til skiinstruksjon. Tredje året er det praksis med helsefremjande arbeid knytt til utviklingsarbeid.
Internasjonalisering
Det er mogleg å reise på utveksling i 5. semester til ein av våre samarbeidande institusjonar. Ta kontakt med studieprogramleiar for meir informasjon.
