Regional planlegging og utvikling
Vidareutdanning (masternivå)
Vidareutdanninga på masternivå er retta mot planleggarar, leiarar og andre tilsette med ansvar for samfunnsplanlegging og regional utvikling i kommunar, fylke og stat, og tilsette i privat og frivillig sektor som har mykje kontakt med offentleg sektor om plan- og utviklingsarbeid. Studiet er også eigna for studentar som ønskjer å kvalifisere seg til slike stillingar.
- Deltid, Samlingar
- Varigheit 1 semester
- 15 studiepoeng
- Start haust
Løpande opptak til studiet er fullteikna eller seinast 1. august.
- Opptakskrav
Bachelorgrad eller tilsvarande (minimum 180 stp.).
Studieinnhald
Studiet gir kjennskap til sentrale teoriar, omgrep og debattar i regional planlegging og utvikling, og viser korleis desse bidreg til forståing og utforming av systematiske planleggingsprosessar med vekt på brei deltaking, dialog, refleksjon og læring. Studiet vektlegg omgrepa instrumentell og kommunikativ rasjonalitet, og viser korleis desse påverkar mellom anna synet på makt, læring, planlegging, innovasjon og utvikling. Studiet viser kvifor desse rasjonalitetsformene må kombinerast for å møte moderne samfunn sine utfordringar. Studentane opparbeider ferdigheiter til å analysere og forstå utviklingstrekka og utfordringane i regionale samfunn, og kritisk kunne vurdere ulike verktøy for samfunnsendring. Les meir om emnet her
Undervisningsmåtar og vurderingsordningar
Undervisninga er samlingsbasert og lagt opp med ein kombinasjon av forelesingar, dialog, gruppearbeid, presentasjon og drøfting i plenum m.m. Det er lagt vekt på praktiske øvingar med utgangspunkt i deltakarane sine eigne utfordringar. Det blir forventa at deltakarane driv sjølvstudium mellom samlingane og at dei leverer heimeoppgåver for kommentering og for framlegging i klassa. Les om vurderingsordningar og eksamen i studie- og emneplanane.
Aktuelle yrke og vidare studium
Studiet kan takast som frittståande vidareutdanning, eller det kan inngå som obligatorisk del av master i Samfunnsplanlegging og leiing og som valfri del i master i Helse- og sosialfag, meistring og myndiggjering ved Høgskulen i Volda.
Tidspunkt for oppmøte og samlingar
Emnet er samlingsbasert med tre samlingar. Samlingane er på fire dagar (tysdag til fredag), med ein kombinasjon av fysisk oppmøte og digital undervising.
Samling 1: Veke 34
Tysdag 22. august - Fredag 25. august
Samling 2: Veke 39
Tysdag 26. september - Fredag 29. september
Samling 3: Veke 43
Tysdag 24. oktober - Fredag 27. oktober
Undervisninga er ein kombinasjon av forelesingar, nettleksjonar og studentaktivitetar. Undervisninga er i stor grad dialogbasert og det er lagt opp til at studentane møter opp og deltek aktivt.
- Deltid, Samlingar
- Varigheit 1 semester
- 15 studiepoeng
- Start haust
Løpande opptak til studiet er fullteikna eller seinast 1. august.
- Opptakskrav
Bachelorgrad eller tilsvarande (minimum 180 stp.).
Søknadskode : 4333