Samfunnsplanlegging og leiing
Mastergrad
Eit samfunn i kontinuerleg omstilling stiller store krav til leiarar, både i offentleg og privat sektor. Masterstudiet gir høg yrkesretta kompetanse i planlegging, utviklingsarbeid og leiing i samfunn og organisasjonar. Høgskulen i Volda tilbyr som den einaste utdanningsinstitusjonen i landet, ei mastergrad der planlegging og leiing blir sett i samanheng. I studiet vert det lagt vekt på å knyte teori og praksis saman, og til å stimulere studentane til å reflektere over det å vere planleggar og leiar.
Masterstudiet som deltidsstudium, går vanlegvis over fire studieår. Ved særskild ønske vert det tilrettelagt for at studiet kan gjennomførast som heiltidsstudium. Ved interesse, ta kontakt med studiekoordinator eller studieadministrasjon.
Løpande opptak til senest 15. mai, utvidet fra opprinnelig frist 15. april.
- Deltid, Heiltid, Samlingar
- Varigheit 8 semester (4 år)
- 120 studiepoeng
- Start haustSøknadsperiode 01.02.2024 - 15.05.2024
Løpande opptak til studiet er fullteikna.
- Opptakskrav
1. Bachelorgrad i planlegging og administrasjon eller tilsvarande. Døme på tilsvarande utdanningar er bachelorprogram innanfor samfunnsplanlegging, arealplanlegging, administrasjon og leiing, statsvitskap, økonomi og administrasjon.
- For opptak etter punkt 1 er det krav om fordjuping i fag, emne eller emnegrupper av minimum 80 studiepoengs omfang, derav 20 studiepoeng på fordjupingsnivå eller
- Integrert yrkesretta utdanning av minimum 120 studiepoengs omfang innanfor fagområdet for mastergraden. Døme på slike utdanningar er barnevernspedagog, sosionom og barnehagelærar.
2. Minst tre år anna høgare utdanning og minst to år relevant praksis frå samfunnsplanlegging og leiing.
Det er krav om karaktersnitt C eller betre i opptaksgrunnlaget (bachelor el. tilsvarande).
- Studieplan
Innblikk i studiekvardagen
Studieinnhald
Studiet gir kunnskap om og forståing av samfunnsplanlegging og offentleg leiing som politisk styrte prosessar med sikte på heilskapleg og berekraftig utvikling. Det vert tatt utgangspunkt i at leiarar i offentleg sektor har eit stor samfunnsansvar og at planlegging er eit reiskap for utøving av slik leiarskap. Behova i samfunnet blir meir og meir samansette, og offentleg sektor må difor framstå som meir samordna. Saman med privat og frivillig sektor må offentleg sektor bidra til meir samhandling, og saman med brukarar/borgarar bidra til meir samskapte og tilpassa tenester. Gjennom studiet opparbeider du evne til å knyte saman kunnskap og handling i analysar og refleksjon. Du får eit djupare teoretisk fundament og ei meir kritisk forståing av metodar for leiing og planlegging i samfunn og organisasjonar.
Praksis og utveksling i utlandet
Høgskulen i Volda har avtalar med utdanningsinstitusjonar i utlandet, og du kan få hjelp til å finne aktuelle studium.
Undervisningsmåtar og vurderingsordningar
Høgskulen i Volda tilbyr masterstudiet som deltidsstudium, og studiet går vanlegvis over fire studieår. Ved særskild ønske vert det tilrettelagt for at studiet kan gjennomførast som heiltidsstudium. Ta kontakt om meir informasjon med studiekoordinatoren eller med Studentsørvis.
Undervisninga er ein kombinasjon av førelesingar, gruppearbeid, presentasjon og drøfting i plenum. Praktiske øvingar med utgangspunkt i studentane sine eigne utfordringar er ein viktig del av studiet. Undervisninga er tilrettelagt både for heiltids- og deltidsstudentar. Emne på 15 studiepoeng går over eitt semester med tre vekesamlingar på fire til fem undervisningsdagar. Mellom samlingane er det sjølvstudium og høve til rettleiing gjennom Canvas.
Aktuelle yrke og vidare studium
Med Master i samfunnsplanlegging og leiing har du ei solid og spesialisert utdanning med vekt på utøving av leiarskap og samfunnsansvar gjennom systematiske planprosessar. Studiet er spesielt eigna for personar med profesjonsutdanningar som no sit i leiarstillingar. Programmet kvalifiserer for planlegging og leiing på mange nivå i samfunnet og innanfor ulike fagområde. Fullført mastergrad kvalifiserer også for opptak til doktorgradsprogram, som kan leggje grunnlaget for ein karriere som forskar.
Vil du bruke utdanninga i skulen, kan du byggje på med eittårig praktisk-pedagogisk utdanning (PPU).
Tidspunkt for oppmøte og samlingar
IPA301 Regional planlegging og utvikling
Emnet er samlingsbasert med tre samlinger. Samlingene er på fire dager (tirsdag til fredag), med en kombinasjon av fysisk oppmøte og digital undervisning. Tirsdager er digital undervisning, de andre dagene er fysisk oppmøte.
Første samling starter tirsdag 27.august 2024 på zoom, som nettleksjon.
- Samling 1: Uke 35 : Tirsdag 27. august - Fredag 30. august 2024
- Samling 2: Uke 38 : Tirsdag 17. september - Fredag 20. september 2024
- Samling 3: Uke 43 : Tirsdag 22. oktober - Fredag 25. oktober 2024
Undervisninga er en kombinasjon av forelesinger, nettleksjoner og studentaktivitetar. Undervisninga er i stor grad dialogbasert og det er lagt opp til at studentene møter opp og deltar aktivt.
IPA304 Leiing og personalutvikling
Emnet er samlingsbasert i 3 samlinger med undervisning over 4 dager, fra tirsdag til fredag.
Første undervisningdag er tirsdag 03/09 - 2024
- Samling 1: Uke 36: Tirsdag 03/09 - fredag 06/9 - 2024
- Samling 2 : Uke 40: Tirsdag 01/10 - fredag 04/10 - 2024
- Samling 3 : Uke 46: Tirsdag 12/11 - fredag 15/11 - 2024
IPA 307, Forskningsmetode og vitenskapsteori til IPA308 & IPA309 Masteroppgave i samfunnsplanlegging og leiing
Undervisningen i forbindelse med masteroppgavene foregår i 3 samlinger på 4 eller 5 dager høsten 2024.
Første undervisningsdag er tirsdag 13/08 - 2024
- Samling 1: uke 33: Tirsdag 13/08 - Fredag 16/08 - 2024
- Samling 2: uke 42: Mandag 14/10 - Torsdag 17/10 - 2024
- Samling 3: uke 47: Mandag 18/11 - Torsdag 21/11 - 2024
IPA308 & IPA309 Masteroppgave i Samfunnsplanlegging og leiing (30 eller 45 studiepoeng)
Undervisningen i forbindelse med masteroppgavene foregår i 2 samlinger på 2 dager våren 2025.
- Samling 1: uke 5: Mandag 27/01 - Tirsdag 28/01 - 2025
- Samling 2: uke 10: Mandag 03/03 - Tirsdag 04/03 - 2025
LIH301 Ledelse i helse og sosialtjenesten
Emnet er samlingsbasert med 8 samlinger over 2 semester høst 2024 og vår 2025. Det er 2 undervisningsdager i hver samling, torsdager og fredager.
Høstsemesteret 2024:
- Samling 1, uke 33: Torsdag 15/8 - fredag 16/8 - 2024
- Samling 2, uke 37: Torsdag 12/9 - fredag 13/9 - 2024
- Samling 3, uke 42: Torsdag 17/10 - fredag 18/10 - 2024
- Samling 4, uke 47: Torsdag 21/11 - fredag 22/11 - 2024
MEI301 Meistring og myndiggjering - samhandlingsperspektivet
Undervisninga er lagt til tre ukesamlingar, med fire undervisningsdager og en studiedag på hver samling:
Første undervisningsdag er mandag 19.08.2024
- Samling 1: Uke 34: Mandag 19. august - Torsdag 22. august 2024
- Samling 2: Uke 38: Mandag 16. september - Torsdag 19. september 2024, denne samlingen foregår på zoom. (digital)
- Samling 3: Uke 43: Mandag 21. oktober - Torsdag 24. oktober 2024
Undervisningen er en kombinasjon av fysiske og digitale forelesinger, gruppearbeid, seminar, presentasjon av arbeid med hjemmeoppgave og drøfting i plenum m.m.
RUS301 Rus som kulturelt og sosialt fenomen
Emnet er organisert som halvtidsstudium over et semester. Undervisninga er konsentrert til tre ukesamlingar, med inntil fire undervisningsdager på kvar samling.
Første undervisningsdag er tirsdag 27.august 2024
- Samling 1: Uke 35: Tirsdag 27/08 - Fredag 30/08 - 2024
- Samling 2: Uke 39: Tirsdag 24/09 - Fredag 27/09 - 2024
- Samling 3: Uke 45: Tirsdag 05/11 - Fredag 08/11 - 2024
KUM305 Brennpunkt Midtausten
Undervisningen er samlingsbasert på zoom daglig i 5 hele dager i uke 38.
Det blir et oppstartsmøte på zoom den 19. august 2024
- Samling 1: Uke 38: Mandag 16/08 - Fredag 20/08 - 2024
KUM311 Mangfold, integrasjon og eksklusjon
Undervisningen er samlingsbasert over to uker. Mandag til onsdag i uke 37 og mandag og tirsdag i uke 41.
Det vil bli et oppstartsmøte på zoom 19. august 2024
- Samling 1: uke 37: Mandag 09/09 - Onsdag 11/09 - 2024
- Samling 2: uke 41: Onsdag 09/10 - Torsdag 10/10 - 2024
Studieplan
Samfunnsplanlegging og leiing - master (deltid)
Formålet med studieprogrammet er å bidra til at aktørar i samfunnet samarbeider meir på tvers av nivå, sektor og profesjon for å oppnå nye problemforståingar og problemløysingar, som på ei betre måte tilfredsstiller samfunnet sin behov for heilskapleg praksis. Planlegging og leiing blir rekna som viktige verktøy for å oppnå dette. Masteroppgåva skal vurderast etter vitskaplege kriterium og oppgåva skal dokumentere at studenten kan arbeide metodisk og sjølvstendig med relevante problemstillingar. Masterstudiet gir høg yrkesretta kompetanse i planlegging, utviklingsarbeid og leiing i samfunn og organisasjonar. Fullført studieprogram gir høve til å søke doktorgradsprogram.
Studiet tek utganspunkt i at leiarar har eit spesielt ansvar for å bidra til ei planlagt samfunnsutvikling, og at plan- og utviklingsarbeid skjer i samhandling (partnarskap) mellom offentleg, privat og frivillig sektor i kapasitetsbyggande prosessar. Høgskulen i Volda er den einaste utdanningsinstitusjonen i landet som tilbyr vi ein mastergrad der planlegging og leiing blir sett i samanheng. Planleggar og leiar er i mange tilfelle noko ein blir etter å ha vore lærar, sjukepleiar, ingeniør og anna i mange år. Difor er det mange planleggarar og leiarar som saknar formell utdanning i planlegging og leiing. Erfaringane viser at studiet passar for planleggarar, ingeniørar, sjukepleiarar, legar, sosionomar, barnevernspedagogar, lærarar, politi og andre profesjonsutdanningar som ønsker å vidareutdanne seg i planlegging og leiing med vekt på heilskaplege problemforståingar og problemløysingar. Studiet passar også for dei som ønsker å kvalifisere seg til stillingar innanfor plan- og utviklingsarbeid i offentleg, privat og frivillig sektor.
Studiet legg vekt på å knyte saman teori og praksis og på å stimulere studentane til å reflektere over det å vere planleggar og leiar. Studentane i programmet er ei blanding av folk med ferske bachelorgrader og folk med både lang utdanning og praksis. Vidare har studentane ulike utdanningar og representerer ulike profesjonar. Difor legg studiet vekt på studentaktive læringsformer med dialogbasert undervisning, omsnudd klasserom der studentane presenterer og drøftar sine erfaringar og sine arbeid, medstudentvurderingar av oppgåver som er til rettleiing m.m.. På den måten oppnår ein at dei erfarne bidreg med relevant praksis og dei med ferske bachelorgrader bidreg med innsikt i nye teoriar og modellar. I sum gir dette grunnlag for kritisk refleksjon over kunnskap, ferdigheiter, handlingar og haldningar og dermed ein meir kompetent praksis som planleggar og leiar.
I tråd med det nasjonale kvalifikasjonsrammeverket har studenten følgjande læringsutbytte etter fullført studieprogram
Studenten skal ha
- avansert kunnskap om relevante perspektiv, teoriar og omgrep planlegging og leiing
- forståing av samfunnsplanlegging som ein politisk styrt prosess med sikte på heilskapleg og berekraftig utvikling
- sjølvstendig og kritisk forståing av metodar for leiing av plan- og utviklingsarbeid i samfunn og organisasjonar
Studenten skal ha ferdigheiter til sjølvstendig å
- knyte saman teori og praksis i kritiske analyser
- drive vitskapleg forsking
- skrive større og mindre oppgåver
- forstå og formidle forsking
Studenten skal kunne
- sjølvstendig reflektere over rolla som planleggar og leiar og korleis eigen kunnskap, ferdigheiter og haldningar/verdiar pregar utøving av rolla
- erkjenne at leiarar har eit spesielt ansvar for å bidra til samhandling, innovasjon og i heilskapleg samfunnsutvikling
Studiet er totalt på 120 studiepoeng (stp). Av dette er 75 stp obligatoriske og 45 stp valfrie. Studiet er samansett av emne på 15, 30 og 45 stp. Emna Regional planlegging og utvikling (IPA301), 15 stp, Offentleg leiing og kommunikasjon (IPA303), 15 stp, Forskingsmetode og vitskapsteori (IPA307), 15 stp og Masteroppgåve (IPA318), 30 stp eller Materoppgåve (IPA319), 45 stp, er obligatoriske.
Dersom studenten vel å skrive masteroppgåve på 45 stp, blir den valfrie delen av studiet 30 stp. Ein kan velje dei valfrie emna frå ein meny av førehandsgodkjende emne, eller søke om å få godkjend andre emne. Høgskulen kan setje sperre mot einskilde emne med fagleg overlapping.Tilbodet av valfrie emne ved Høgskulen i Volda kan variere frå år til år. Høgskulen er ikkje bunden til å gi tilbod om alle valfrie emne kvart studieår.
Det er høve til å lage individuelle utdanningsplanar ved å få godskrive og fagleg godkjent tidlegare/anna utdanning på masternivå eller lang relevant praksis (sjå eige avsnitt). Ved oppstart lagar du ein utdanningsplan for studiet ditt ved høgskulen som syner kva for emne mastergraden skal innehalde (valfrie emne, godskriving av anna utdanning som erstatning for obligatoriske emne, praksis, utlandsstudium m.m.) og framdrifta av studiet (heiltid, deltid, rekkefølgje på emne m.m.).
Undervisninga er tilrettelagt både for deltids- og heiltidsstudium. Undervisninga på 15-studiepoengsemna er organisert med tre vekesamlingar fordelt på eitt semester. Undervisninga på 30/45-studiepoengsemna er normalt organisert med fem til seks vekesamlingar fordelt på to semester. Organiseringa av undervisninga i samlingar har vist seg å fungere godt både for deltids- og heiltidsstudentar, og spesielt for å kombinere utdanning med arbeid.
Det blir lagt stor vekt på å kombinere førelesingar med dialog, seminar, gruppearbeid, praktiske øvingar og andre studentaktive læringsformer. Arbeidsoppgåver mellom samlingar inngår i evalueringa. Studentar kan i stor grad arbeide med eigne tema og arbeidsoppgåver. E-post, web-program m.m. vert aktivt brukt for å følgje opp og rettleie studentar.
Vurderingsformene er lagt nær opp til arbeidsformer i praksisfeltet. Det vil seie mykje bruk av heimeoppgåver, der studentane har tilgang til pensumet og der dei både skal gjere greie for teoriar og omgrep, men også viser at dei kan bruke desse til å forstå og forbetre praksis. I vurderinga er det sjølvstendige drøftingar og refleksjonar som skal vektleggast.
Når det er samlingar i Volda, vil Studentsamskipnaden i Volda normalt kunne tilby studenthyblar.
Om godskriving og fagleg godkjenning (jf. UH-lova §3-5)
Tidlegare utdanningar - generelt: Relevante emne på mastergradnivå frå høgskulen eller andre utdanningsinstitusjonar kan godskrivast som obligatoriske emne (desse må våre tilnærma lik våre emne) og valfrie emne. Når det gjeld søknader om godskriving av utdanning frå andre høgskular og universitet, krev vi at studentane legg fram dokumentasjon frå den aktuelle institusjonen om det faglege innhaldet.
Fullført Samplan (30 stp) gir innpassing av emna IPA301 Regional planlegging og utvikling (15 stp) og IPA302 Prosessleiing og prosjektdesign (15 stp)
Det valfrie emnet LIH301 Ledelse i helse - og sosialtjenesten blir gitt i samarbeid mellom utdanningsinstitusjonane i Molde, Volda og Ålesund, er førehandsgodkjent for innpassing i mastergraden med 30 stp i den valfrie delen.
Tidlegare utdanning ved IPAS - etter oppgradering til masternivå: Studentar som har fullført masteremnet Regional planlegging og utvikling medan dette var på 30 stp, vil få fritak frå det obligatoriske emnet Regional planlegging og utvikling (IPA301), 15 stp, og emnet Prosessleiing i og prosjektdesign (IPA302), 15 stp. Studentar som har fullført masteremnet Offentleg organisering og leiing medan dette var på 30 stp, vil få fritak for det obligatoriske emnet Offentleg organisering og leiing (IPA303), 15 stp, og eitt valfritt 15 stp emne.
Tidlegare utdanning ved IPAS - før oppgradering til masternivå: Tidlegare studentar ved HVO som har fullført vidareutdanningar som 10-vekttalseiningar og som etter 2000 er oppgraderte til mastergradnivå, kan få godskrive desse i mastergraden. Dette gjeld vidareutdanningane Regional planlegging og utvikling og Regioplan Nordvest som blir godskrive som valfritt emne med 30 stp i mastergraden. Dei studentane som får slik godskriving, kan grunna fagleg overlapping ikkje velje emnet Prosessleiing og prosjektdesign (IPA302), 15 stp. Vidare gjeld dette vidareutdanningane Leiing for offentleg tilsetje (LOT) og Offentleg organisering og leiing, som også blir godskrive som valfritt emne på 30 stp.
Utanlandsopphald
Studentar kan søkje om å få godskrive andre emne som dei ønskjer å ta ved høgskular og universitet i andre land. Slike emne må vere på mastergradsnivå. I samband med planlagt utlandsopphald innanfor mastergraden vil høgskulen hjelpe til med å organisere og førehandsgodkjenne utdanning og/eller praksis.
| Emne | 2024 H | 2025 V | 2025 H | 2026 V | 2026 H | 2027 V | 2027 H | 2028 V |
|---|---|---|---|---|---|---|---|---|
1. OG 2. STUDIEÅR | ||||||||
| 15 | ||||||||
| 15 | ||||||||
Valemne, sterkt tilrådde: | 15 | 15 | ||||||
| 15 | 15 | |||||||
| 15 | 15 | |||||||
| 15 | ||||||||
Valemne frå andre mastergrader ved HVO kan søkjast på i periodar for undervisningsopptak. På grunn av andre krav til opptak, må det søkjast særskilt til Studentsørvis på e-post: Studentsorvis@hivolda.no. Dette gjeld emna: | ||||||||
| 15 | 15 | |||||||
| 15 | ||||||||
| 15 | 15 | |||||||
| 15 | ||||||||
| 15 | 15 | |||||||
| 15 | ||||||||
| 15 | 15 | |||||||
3. OG 4. STUDIEÅR | ||||||||
60 stp må vere bestått (inkl. IPA301 og IPA303) før ein kan starte på emna IPA307 og IPA318/IPA319. | 15 | 15 | 15 | |||||
| 15 | ||||||||
Vel anten IPA318 eller IPA319. Val av IPA318 krev 45 stp. valfrie emne og val av IPA319 krev 30 stp. valfrie emne. | ||||||||
| * | * | 15 | 15 | |||||
| * | 15 | 15 | 15 | |||||
| Sum (120 total) | 15 | 15 | 15 | 15 | 15 | 15 | 15 | 15 |
Institutt for planlegging og administrasjon og samfunnsfag er akkreditert som fullt medlem av AESOP (The Association of European Schools of Planning), eit nettverk av europeiske universitet og høgskular som driv med undervisning og forsking i samfunnsplanlegging.
- Deltid, Heiltid, Samlingar
- Varigheit 8 semester (4 år)
- 120 studiepoeng
- Start haustSøknadsperiode 01.02.2024 - 15.05.2024
Løpande opptak til studiet er fullteikna.
- Opptakskrav
1. Bachelorgrad i planlegging og administrasjon eller tilsvarande. Døme på tilsvarande utdanningar er bachelorprogram innanfor samfunnsplanlegging, arealplanlegging, administrasjon og leiing, statsvitskap, økonomi og administrasjon.
- For opptak etter punkt 1 er det krav om fordjuping i fag, emne eller emnegrupper av minimum 80 studiepoengs omfang, derav 20 studiepoeng på fordjupingsnivå eller
- Integrert yrkesretta utdanning av minimum 120 studiepoengs omfang innanfor fagområdet for mastergraden. Døme på slike utdanningar er barnevernspedagog, sosionom og barnehagelærar.
2. Minst tre år anna høgare utdanning og minst to år relevant praksis frå samfunnsplanlegging og leiing.
Det er krav om karaktersnitt C eller betre i opptaksgrunnlaget (bachelor el. tilsvarande).
- Studieplan
Søknadskode : 4332
Spørsmål? Kontakt oss
For spørsmål om opptak
Send e-post
