Jan Olav Baarøy er tilsett som ny høgskuledirektør
Jan Olav Baarøy er tilsett som ny høgskuledirektør ved Høgskulen i Volda (HVO). Oppstartsdato kjem vi tilbake til så snart som råd.
Baarøy er 54 år og kjem frå stillinga som direktør i Norec, eit nasjonalt kompetansesenter for internasjonalt samarbeid underlagd Utenriksdepartementet. Han har lang og brei leiarerfaring innan blant anna strategi- og organisasjonsutvikling, digitalisering og internasjonalt samarbeid, og har god kjennskap til kunnskapssektoren gjennom Norec sitt samarbeid med fleire av dei høgare utdanningsinstitusjonane i Noreg.
Høgskulen i Volda ser fram til eit godt samarbeid med Baarøy i den viktige rolla som høgskuledirektør, og med si solide leiarerfaring vert Baarøy eit viktig tilskot til leiinga ved HVO. Vi er glade for å ha fått han med på laget, og ser fram til å dra nytte av hans engasjement for kompetanseutvikling og -deling.
Jan Olav Baarøy er for tida på reise i utlandet og kan tidvis vere vanskeleg å få tak i.
