Info til alle

Høgskulen i Volda har vedteke å avlyse all studentutveksling for haustsemesteret 2020. – Dette inkluderer utveksling, praksis og studieturar i utlandet, og gjeld både for innreisande og utreisande studentar, seier høgskuledirektør Karen Lomeland Jacobsen.

Kriseleiinga ved Høgskulen i Volda sender i dag ut ei spørjeundersøking til alle studentane ved høgskulen. – Føremålet er å få eit bilete av korleis studentane opplever studiesituasjonen sin etter 12. mars, seier prorektor Odd Helge Mjellem Tonheim.

– Frå i morgon torsdag 14. mai vil høgskuleområdet delvis verte gjenopna. Studentar som treng tilgang for å unngå forseinkingar i studieløpet vil få det. Vi ber alle om å halde gjeldande reglar for smittevern, seier prorektor Odd Helge Mjellem Tonheim.

– Vi opnar no opp for at fleire studentar kan kome på høgskuleområdet dersom dei har behov for dette for å oppretthalde studieprogresjonen, seier høgskuledirektør Karen Lomeland Jacobsen.

Vi strøymde møte i høgskulestyret torsdag 8. mars. Styret diskuterte mellom anna lønsfastsetjing for valgt rektorat og økonomiske utsikter og handlingsrom for høgskulen i tida framover.

Tidlegare Voldastudentar vann pris på Filmfestivalen i Berlin for animasjonsfilmen "Det trygge huset".