Bli lærar i Volda!
I Volda har vi utdanna lærarar i meir enn 150 år, og det er vi gode på. Hos oss får du mykje og unik praksis, teknologi i undervisninga og blikk på framtidas klasserom og barnehagar. Bli lærar – og ver med på å forme dei som skal utvikle verda vidare.
Finn ei lærarutdanning som passar for deg!
Gode grunnar til å velje lærarutdanning i Volda:
- Nær kontakt mellom student og lærar.
- Du vert attraktiv på arbeidsmarknaden, og som lærar kan du få deg jobb over heile landet.
- Vi satsar hardt på å tilby gode praksisopphald for studentane, og i periodar tar studentane og over drifta av ein heil skule, sokalla skuleovertaking.
- I grunnskulelærarutdanningane kan du i fjerde semester velje å studere i utlandet. Vi er ein av dei beste på internasjonal studentutveksling.
- Vi er i nasjonal samanheng fremst i arbeidet med å gi studentane ei framtidsretta og praksisnær utdanning der digital kunnskap og bruk av ny teknologi i undervisninga er ein naturleg del i alle fag.
- Om ein fullfører grunnskulelærarutdanningane kan ein få reduksjon av studielånet.
- Å vere student i Volda gir deg opplevingar og vener for livet i verdas beste studiemiljø!
LærariNordvest
LærariNordvest er ei ny satsing på Høgskulen i Volda der målsettinga er å rekruttere studentar for å sikre kommunane nok kvalifiserte lærarar til vår region.
