Vidareutdanning (bachelornivå)

Mat, kultur og konservering

Deltid, Samlingar

Praktisk informasjon

 

Mat, kultur og konservering (MKK, 30 stp)
Undervisninga i studiet vert gitt i fem samlingar per semester, torsdag kl. 16.15-20.00 og fredag kl. 09.00-15.00. I tillegg kjem noko anna frammøte (sjå nedanfor). All undervisning i studiet er obligatorisk. Frammøte til første undervisningsøkt er mandag 22. august kl.15:00 (NB: merk tida) i undervisningskjøkenet i kjellaren på Kaarstad (ta med forkle og innesko). Frammøte til første undervisningsøkt er forutsetning for å beholde tildelt studieplass. Ved manglende frammøte til første økt vil studieplassen kunne gis videre til søkere på venteliste.

Samlingar hausten 2019:
22.-23. august: Oppstart og informasjon. Innleiande førelesningar. Bær, frukt og hermetisering
5. -6. september: Matlaging for barn og kortreist gjestebod. Førebuing til kulturarrangement.
22. september: Kulturarrangement i høve Forskingsdagane på Volda bygdetun, Haualeite (obligatorisk frammøte og arbeidskrav)
24.-25. oktober: Kjøt og slakting
14.-15. november: Takkebakst, lefser, flatbrød og søst
5.-6.desember: Jul og julemat
Veke 50: eksamen

Undervisningsstad

Mestepareten av undervisninga går føre seg på undervisningskjøkenet i kjellaren på Kaarstad-huset og i auditorium 306, Kaarstad. Nokre av samlingane vert lagt anna plass enn på Høgskulen og studentane må då sjølv syte for transport.

Annan informasjon

Det er krav om reint arbeidstøy (forkle og innesko) til all praktisk undervisning.

Planen er med atterhald om endringar. Endeleg plan vert delt ut ved semesterstart

Mat, kultur og konservering er eit tverrfagleg studium retta mot deg som er interessert i matkultur, mattradisjonar og konservering og som ønskjer praktisk og teoretisk kunnskap i faget.

Søk studieplass!

Søknadskode : 4051

Info og frister

Varigheit 2 semester (1 år)

Studiepoeng 30

Start Haust

Søknadsfrist Løpande opptak

Studieinnhald

Sentralt i studiet er forståing for matkultur i eit historisk perspektiv og samanhengen mellom naturgrunnlag og kosthald. Du skal lære tradisjonell matlaging, oppbevaring og konservering av ulike råvarer. Studiet er praktisk retta, men har òg ein sentral teoretisk del. Viktige tema er mat i eit historisk og kulturelt perspektiv, konservering av mat og mattradisjonar.

Opptakskrav

Generell studiekompetanse

Undervisningsmåtar og vurderingsordningar

Undervisninga er organisert i samlingar og det er fem samlinger per semester.

Torsdag kl.16.00–20.00 og fredag kl.09.00–15.00. I tillegg kjem frammøte til eksamen og arrangement i samband med eit arbeidskrav.

Du må gjennomføre praktiske og teoretiske oppgåver mellom samlingane. Les om vurderingsordningar og eksamen i studie- og emneplanane.

Aktuelle yrke og vidare studium

Studieprogrammet er godt eigna for dei som vil formidle mat og matkultur til barn, ungdom og vaksne i ulike samanhengar slik som barnehage, skule og anna formidlingsverksemd. Det kan inngå i ei lærarutdanning og som valfri del av ein bachelorgrad. Utdanninga kan byggast ut til Årsstudium i matkultur og helse ved Høgskulen i Volda.

Kontakt

Kari Ryslett, tlf. 70 07 52 72, kari.ryslett@hivolda.no

Studieplan

Mat, kultur og konservering

Studieprogram: 
Mat, kultur og konservering
Studienivå: 
Bachelor (grunnivå)
Studiepoeng: 
30
Studielengd: 
2 semester
Kull: 
2019
Studieplassar: 
20
Studietype: 
Vidareutdanning (bachelornivå)
Organisering
Deltid
Opptakskrav

Generell studiekompetanse.

Om studiet

Gjennom studiet skal studentane tileigne seg kunnskapar og ferdigheiter om norsk matkultur og korleis denne har utvikla seg frå førhistorisk tid og fram til i dag. Studentane vil møte fagområdet gjennom både teoretiske og praktiske tilnærmingar. Mat og matkultur er ein del av menneska sin identitet, tradisjonar og tilhøyrsle, og viser seg gjennom våre liv og samfunn. Den generelle samfunnsutviklinga, teknologiske nyvinningar og ulike konserveringsmetodar har prega både mat og matkultur. Kultur, nasjonalitet og religion er også med å påverke mat og måltid. Studiet har difor ei tverrfagleg tilnærming til mat, der fag som mat og helse, historie/etnologi, naturfag, samfunnsfag og religion er aktuelle fagområde.

Læringsutbytte

Læringsutbyttet må sjåast i samanheng med innhald og arbeidsmåtar i emna. I tråd med det nasjonale kvalifikasjonsrammeverket har studenten følgjande læringsutbytte etter fullført studieprogram:

Kunnskapar

Etter fullført emne skal studenten 

  • forstå matkulturomgrepet og konserveringslære, og beskrive korleis maten har utvikla seg opp gjennom tidene
  • beskrive mattradisjonar i Norge før og no og planlegge matformidlingsaktivitet
  • forstå, anvende og produsere konserverte produkt som frukt, bær, grønsaker, kjøt og korn
  • forklare samanheng i levesett og korleis teknisk, økonomisk og kulturell utvikling har fått konsekvensar for konservering av mat og den maten vi et i dag
  • forstå og forklare julefeiring og julemat i eit historisk og kulturelt perspektiv
  • forstå handlingsboren kunnskap om mjølk- og mjølkeprodukt og tradisjonsoverføring av desse
  • forstå norsk fiskerihistorie og forklare ulike konserveringsmetodar av fisk  
  • forstå samanhengen mellom mat og religion, og forklare drikkeskikkar i historisk og kulturelt perspektiv
  • samanlikne mat frå ulike perspektiv og kulturar
  • produsere og eksperimentere med vårens ville vekstar og forklare forhistorisk mat

 

Ferdigheiter

Etter fullført emne skal studenten

  • anvende konserveringsmetodar som sylting, safting, tørking og hermetisering av frukt, bær og grønsaker
  • planlegge og gjennomføre mataktivitetar med barn og vaksen der formidling, praktisk arbeid eller demonstrasjon står sentralt
  • forstå prosessen med heimeslakting som gamal tradisjon og vite korleis slakting, partering, salting og tørking av kjøt går føre seg
  • utføre arbeidsprosessen med koking av søst, baking av lefser og flatbrød på takke
  • utføre og løyse oppgåver knytt til tradisjonell norsk julemat, som konserverte kjøtrettar, lammerull, syltaflesk, leverpostei og ulike slag spekemat
  • produsere ulike mjølkeprodukt som smør, ferskost, kvitost og brunost
  • produsere tradisjonell fiskemat som skreimølje, kams, fiskebollar, fiskekaker, blandaball
  • utføre jødisk påskemåltid med jødiske matrettar og måltidsrituale
  • forstå og utføre iransk matkultur med Nowroz nyttårsfeiring og «Haft sin» bord
  • konstruere og bruke kokegrop til matlaging og organisere måltid ute

 

Generell kompetanse

Etter fullført emne skal studenten

  • i samarbeid med andre utføre praktiske undervisningsaktivitetar knytt til mat og matkultur
  • samanlikne og stille spørsmål ved mat og matkultur før og no
  • reflektere, stille kritiske spørsmål og bedømme kjelder rundt ulike matkulturelle tema
  • utforme og utvikle blogg og matformidlingsaktivitet om handlingsboren og teoretisk kunnskap knytt til matkulturelle tema
  • i samarbeid med andre utføre praktiske undervisningsaktivitetar knytt til mat og matkultur
  • samanlikne og stille spørsmål ved mat og matkultur før og no
  • reflektere, stille kritiske spørsmål og bedømme kjelder rundt ulike matkulturelle tema
  • planlegge, utforme og utvikle ei sjølvvalt og individuell semesteroppgåve kring eit matkulturelt tema
Organisering og arbeidsmåtar

Studieprogrammet består av dei to emna Mat, kultur og konservering 1 (MKK101, haust) og Mat, kultur og konservering 2 (MKK102, vår) på 15 studiepoeng kvar. Undervisninga er i hovudsak organisert i samlingar med undervisning torsdag ettermiddag/kveld og fredag. I tillegg kjem eksamensdagar og frammøte i samband med arbeidskrav. Sjå semesterplanane for meir informasjon om innhald og organisering.

Navn: 
Mat, kultur og konservering
Praksis

Ei rettleidd og vurdert praksisperiode inngår som integrert del for studentar som tek studiet som del av ei grunnskulelærarutdanning. Studentar som ikkje skal ha praksis må gjennomføre eit kompensatorisk arbeid, sjå semesterplanane.

Kostnader

Studentane må betale materialpengar i faget, kr. 900,- per emne, totalt kr. 1800,-. Delar av undervisninga kan verte lagt utanfor høgskulen. Studentane må sjølv syte for transport til og frå undervisningsstad.

Ansvarleg
Kari Ryslett, 700 75272, karir@hivolda.no / Ammar Ali Hassan, 700 75496, hassana@hivolda.no