NSNO

Den 27.–28. september møtest representantar frå fleire av samarbeidsskulane til Nynorsksenteret til arbeidsseminar i Volda. Tittelen for samlinga er «Å skrive for ulike føremål». Innleiarar er førsteamanuensis Marianne Ødegaard frå Naturfagsenteret og professor dr.art. Torlaug Løkensgard Hoel frå PLU ved NTNU.

Nynorskopplæringa skal styrkjast og Nasjonalt senter for nynorsk i opplæringa har no fått godkjent ein treårig tiltaksplan av Utdanningsdirektoratet. Planen inneheld tiltak for opplæringa i nynorsk frå barnehagen til lærarutdanninga, og forsking på opplæringa i nynorsk er sentralt i planen.

Nynorsksenteret på Høgskulen i Volda har samarbeidd med Snöball film om ein ressurspakke for lærarar som underviser i nynorsk som sidemål i grunnskulen. - No sender Nynorsksenteret ut ressurspakken på DVD til alle ungdomsskular, høgskular og universitet i landet, melder informasjonskonsulent Arild Torvund Olsen ved Nynorsksenteret.

Lesegranskingar syner at born treng å møte meir nynorsk i kvardagen, slik at dei vert trygge og gode språkbrukarar. På torsdag lanserer difor Nynorsksenteret boka Les for meg!, ein antologi som skal gje norske born eit møte med dei gode, moderne nynorske tekstane. I vår kjem barneskulane og barnehagane i heile landet til å få kvart sitt eksemplar av antologien i gåve frå Nynorsksenteret.

Lesegranskingar syner at born i nynorskområde treng å møte meir nynorsk i kvardagen, slik at dei vert trygge og gode språkbrukarar. Torsdag 17. april skipar difor Nynorsksenteret til konferansen Språkstimulering. Konferansen, som skal vere i Bergen, samlar 140 interesserte deltakarar. Frå ulike innfallsvinklar skal fagfolk og forfattarar ta føre seg korleis born kan ta dei første stega inn i den nynorske skrifta, til dømes gjennom bruk av den nynorske barnelitteraturen eller språkstimulering på datamaskina.

Nynorsksenteret meiner at det no trengst motivasjon og ny giv for nynorskopplæringa i hovudstaden. Difor skipar senteret til eit seminar på Universitetet i Oslo 14. februar. Same dagen lanserer Snöball Film og Nynorsksenteret ressurspakka "i praksis: nynorsk som sidemål i grunnskulen," ei samling med 20 kortfilmar som skal inspirere norsklærarar til å gje elevane ei betre sidemålsundervisning.

Torsdag 17. april 2008 er det tid for konferansen Språkstimulering i Bergen. - Frå ulike innfallsvinklar skal fagfolk og forfattarar ta føre seg korleis born kan ta dei første stega inn i den nynorske skrifta, melder Arild Torvund Olsen ved Nynorsksenteret.

Mangelen på nynorske læremiddel har vore ein hovudgrunn til at minoritetsspråklege i nynorskkommunane har fått eit mangelfullt nynorsktilbod. Høgskulelektorane Birgitte Fondevik Grimstad og Hilde Osdal, som båe har lang røynsle med norskopplæring for minoritetsspråklege, ynskte å gjere noko for å betre på stoda. Med stønad frå Nynorsksenteret (Nasjonalt senter for nynorsk i opplæringa) byrja dei arbeidet med å utvikle ein nynorsk grammatikk for minoritetsspråklege, og no ligg resultatet føre.

I 2006 skipa Nynorsksenteret til konferansen «Betre nynorskundervisning». Innleiarane tok føre seg emne som nynorsk som sidemål, nynorsk i lærarutdanninga og det å nytta nynorsk i alle fag. No er innleiingane samla i skrift nummer to frå Nynorsksenteret.

Årets vakraste bøker vart kåra av Grafill denne veka, og ”På norsk før”, ei lærebok for norsk i grunnskulen, fekk diplom for godt design. Høgskulelektor Ingrid Slettevoll ved Nynorsksenteret i Volda er medforfattar i boka, og var stolt over prisen.