Vidareutdanning (masternivå)

Leiing og personalutvikling

I dette studiet får du ei forståing av leiingsfunksjonen i organisasjonar, og korleis modellar og leiingsverktøy kan nyttast for å oppnå målretta utvikling.

Søk nå
Start: 
Haust
Omfang: 
Deltid Samlingar
Opptakskrav
Studiepoeng: 
15
Varigheit: 
1 semester
Emneplan
Studietype: 
Vidareutdanning (masternivå)
Søk frå: 
01.02.2026

Studiet har løpande opptak.

Vidareutdanninga gir aktuell kompetanse til leiarar innanfor offentleg og privat sektor. Studiet kan gjennomførast som frittståande vidareutdanning eller kan inngå som valfritt emne i Master i samfunnsplanlegging og leiing og Master i helse- og sosialfag - meistring og myndiggjering ved Høgskulen i Volda.

I studiet vert det fokusert på teori og empiri om leiing kombinert med studentane sine eigne leiarerfaringar. 

Meir informasjon om studiet

Studentane skal gjennom studiet utvikle:

  • Heilskapleg forståing av leiingsfunksjonen i organisasjonar
  • Kritisk og konstruktiv forståing av korleis modellar og leiingsverktøy kan nyttast for å oppnå målretta utvikling
  • Praktisk og fagleg godt fundert handlingskompetanse i personalutvikling
  • Evne til sjølvstendig refleksjon og læring

Studiet gir aktuell kompetanse til leiarar innanfor offentleg og privar sektor. Det kan gjennomførast som frittståande vidareutdanning eller inngå som valfritt emne i master i Samfunnsplanlegging og leiing og master i Helse- og sosialfag - meistring og myndiggjering ved Høgskulen i Volda.

Undervisningsmåtar og vurderingsordningar

Undervisninga er samlingsbasert med ein kombinasjon av forelesingar, dialog, gruppearbeid, presentasjon og drøfting i plenum m.m. Det blir forventa at du driv sjølvstudium mellom samlingane og at dei leverer heimeoppgåver for kommentering. Du får tilgang til eit eige elektronisk klasserom (Canvas) der program for samlingar og førelesingar vert lagt ut. Canvas vert også brukt til oppgåveinnlevering og kommunikasjon med faglærar og medstudentar. Les om vurderingsordningar og eksamen i studie- og emneplanane.

Tidspunkt for oppmøte og samlingar

Oppmøte:

Hans Strøm-huset 220 Granskinga, tirsdag 08.09.2026 kl.09:15. 

Veke 37
Fysisk, 4 dagar
8. - 11. september 2026

Veke 41
Fysisk, 4 dagar
6. - 9. oktober 2026

Veke 46
Fysisk, 4 dagar
10. - 13. november 2026

 

Opptakskrav

1. Bachelorgrad i planlegging og administrasjon eller tilsvarande. Døme på tilsvarande utdanningar er bachelorprogram innanfor samfunnsplanlegging, arealplanlegging, administrasjon og leiing, statsvitskap, økonomi og administrasjon.

  • For opptak etter punkt 1 er det krav om fordjuping i fag, emne eller emnegrupper av minimum 80 studiepoengs omfang, derav 20 studiepoeng på fordjupingsnivå eller
  • Integrert yrkesretta utdanning av minimum 120 studiepoengs omfang innanfor fagområdet for mastergraden. Døme på slike utdanningar er barnevernspedagog, sosionom og barnehagelærar.

2. Minst tre år anna høgare utdanning og minst to år relevant praksis frå samfunnsplanlegging og leiing.

Det er krav om karaktersnitt C eller betre i opptaksgrunnlaget (bachelor el. tilsvarande).