Vidareutdanning (masternivå)
Innovasjon, fagutvikling og tverrfagleg samarbeid
Studiet plasserer seg i spennet mellom teori og praksis, og vil gi deg avansert kunnskap om innovasjon, fagutvikling og tverrfagleg samarbeid i kunnskapsbasert barnevernsarbeid.
- Start:
- Vår
- Omfang:
- Deltid
- Studiepoeng:
- 15
- Varigheit:
- 1 semester
- Studietype:
- Vidareutdanning (masternivå)
- Søk frå:
- 01.11.2026
Studiet har løpande opptak.
Kunnskap om innovasjon, fagutvikling og tverrfagleg samarbeid i møte med barn, unge og familiar i utsette livssituasjonar er viktig kompetanse i barnevernet.
Det vert lagt vekt på korleis forskingsbasert kunnskap, brukarkunnskap og erfaringsbasert kunnskap supplerer kvarandre og er grunnlag for kvalitativt betre praksis. Tverrfagleg samarbeid og samarbeid med barn, unge og familiar i utsette livssituasjonar er sentralt, i tillegg til etiske aspekt ved slikt arbeid.
Studiet er obligatorisk emne i Master i barnvernsarbeid og vil bli godkrive om du ønskjer seinare å søkje opptak til denne graden.
Meir informasjon om studiet
Studiet er obligatorisk emne i Master i barnvernsarbeid og vil bli godkrive om du ønskjer seinare å søkje opptak til denne graden.
Undervisningsmåtar og vurderingsordningar
Undervisninga er organisert i samlingar, sjølvstudium, rettleia praksis og fagleg utviklingsprosjekt. Praksis og prosjektarbeid går føre seg parallelt.
Problemstillinga for prosjektet skal utarbeidast i lag med profesjonsutøvarar, barn og/eller foreldre ved praksisplassen. Arbeidet kan gjennomførast individuelt eller i gruppe.
Høgskulen har gjennom sine samarbeidsavtalar tilgjengelege praksisplassar, men studenten kan søke om å få gjennomføre praksis på eigen arbeidsplass.
Tidspunkt for oppmøte og samlingar
Emnet BVA303 - Innovasjon, fagutvikling og tverrfagleg samarbeid er organisert med 2 samlingsveker. Tysdag, onsdag og torsdag er undervisningsdagar med fysisk oppmøte. Måndag og fredag er studiedagar, der studentane får digitale opplegg i Canvas. Mellom dei to samlingane skal studentane gjennomføre 20 dagar med praksisstudium. Det er krav om minimum 65% obligatorisk frammøte i tillegg til obligatorisk praksis.
Fyrste undervisningsdag med fysisk oppmøte er tysdag 13. januar 2026. Samlinga startar kl 09:15, rom kjem.
- Samling 1, veke 3: tysdag 13. - torsdag 15. januar 2026
- Samling 2, veke 12: tysdag 17. - torsdag 19. mars 2026
Opptakskrav
- Fullført bachelorutdanning, som gir yrkestittel sosionom, vernepleiar eller barnevernspedagog
- Søkarar med anna helsefagleg, pedagogisk, psykologisk eller samfunnsvitskapleg utdanning (på bachelornivå), og minimum eitt års relevant yrkeserfaring frå arbeid med barn unge og familiar i utsette livssituasjonar kan få særskilt vurdering.
Det er krav om minst karakteren C i snitt frå bachelorgraden. Lang og relevant yrkespraksis kan erstatte C-kravet etter ei særskilt vurdering.
Utdanninga har krav om politiattest.
