Friluftsliv og naturguide - bachelor
Det 3-årige studiet i friluftsliv, leiing og naturguide vil gje deg kompetanse til å forstå og utøve profesjonsrolla som friluftslivsvegleder og den internasjonale profesjonsrolla naturguide. Med ein bachelor i friluftsliv, leiing og naturguide kan du arbeide med menneske og nautr innan ei rekke ulike sektorar, som turisme og reiseliv, kursverksemd, det kommersielle markedet, barnehage, skule, utdanning, forsking, helse og forvaltning/rådgiving - samt arbeid i frivillige organisasjonar.
Studieprogrammet legg tilrette for både personleg og fagleg utvikling, både teoretisk og praktisk. Det bygger på studentaktive læringsformer gjennom aktivitetar i naturen og teoretiske studiar.
Det 1. studieåret gir ei grunnleggjande innføring i friluftsliv og vegleiing i ulike aktivitetar, naturtypar og landskap. Hovudvekta er lagt på å bygge solide basisferdigheiter, og å utvikle praktiske ferdigheiter, kunnskapar, haldningar og erfaringar knytt til å ha ansvar for grupper på tur.
Det 2. studieåret har fokus på naturguiding og leiing. Studentane utviklar solide og omfattande ferdigheiter som guide for å kunne arbeide i ein reiselivssamanheng, med mål om å gje deltakarar ei trygg og god naturoppleving gjennom heile året. Emna i 3. semester blir undervist på engelsk og er opne for kvalifiserte internasjonale søkjarar.
Det 3. året i bacheloren inneheld emne på helsefremjande arbeid og metode i haustsemesteret, som skal førebu studentane på bacheloroppgåva i sjette semester. Dette semesteret kan ein også vere med på utveksling i utlandet. I vårsemesteret ligg emna motivasjonspsykologi og bacheloroppgåve. Her kan ein velje mellom ei ordinær forskingsbasert oppgåe eller ei meir praksisretta oppgåve - eit "guideprodukt" som fremmjer innovasjon og entreprenørskap. Vårsemesteret er obligatorisk.
Med bachelor i friluftsliv, leiing og naturguide er kandidaten kvalifisert til arbeid med friluftsliv, leiing og naturguiding i offentleg sektor, i frivillige organisasjonar og i det private næringslivet. Bachelorgraden kvalifiserar også til vidare på masterstudium og for opptak til praktisk-pedagogisk utdanning (PPU) i friluftsliv.
Etter tre studieår har studenten eit breidt fagleg grunnlag for å kunne arbeide med opplæring, leiing, guiding og helsefremjande arbeid med ulike målgrupper i naturen.
Studiet sitt innhald og læringsutbytte er harmonisert etter Norsk Naturguideforbund sin profesjonsstandard, og etter den internasjonale standarden til Union of International Mountain Leader Associations (UIMLA). Etter endt utdanning frå Høgskulen i Volda, og etter fullført yrkespraksis, kan studentar som er interessert i desse godkjenningane søkje godkjenning som sertifisert norsk naturguide. Som sertifisert norsk naturguide kan studenten søkje vidare til godkjenning som International Mountain Leader (IML) ved å dokumentere erfaring og beståtte eksterne vurderingssamlingar arrangert av Norsk Naturguideforbund.
NNGF og UIMLA-godkjenningane er frivillige og ikkje ein del av bachelorutdanninga. Søkjarar dekker eventuelle kostnader knytt til godkjenningane sjølve.
I tråd med det nasjonale kvalifikasjonsrammeverket har studenten følgjande læringsutbytte etter fullført studieprogram.
Kandidaten
- har brei kunnskap om sentrale tema, teoriar, problemstillingar, endringsprosessar, analyseverkty og metodar innafor fagfeltet.
- har kunnskap om fagfeltet si historie, tradisjon, eigenart og plass i samfunnet, og har kjennskap til fagfeltet sitt internasjonale perspektiv
- kan gjere greie for leiing, guiderolla og vertskapsrolla i eit internasjonalt perspektiv
- kan anvende inngåande kunnskap for å ivareta eigen og andre si sikkerheit i eit breidt spekter av friluftsaktivitetar i ulike landskapsformer og årstider.
- kan anvende kunnskap om gjeldande lover, regelverk og juridiske krav - også internasjonalt - får den ansvarlege (leiaren) sin ståstad
- kan forklare bruk av friluftsliv som helsefremjande aktivitet
- kan forklare teoriar om motivasjon knytt til deltaking i aktivitetar
- har kunnskap om berekraft, samfunnsutvikling og fagfeltet si rolle i utviklinga mot ei berekraftig framtid
- kan vurdere og identifisere vitskapsteoretiske og metodiske føresetnadar for forskingsbidrag innan fagfeltet
Kandidaten
- kan anvende fagleg kunnskap og ta begrunna val ved planlegging, gjennomføring og evaluering av eit breidt spekter av friluftsfagleg opplegg i ulike landskapsformer og for ulike målgrupper
- har allsidige ferdigheiter innan fagområdet og beherskar trygg ferdsel, både for eigen del og for andre ein har ansvar for
- kan anvende fagleg kunnskap for å førebygge ulykker, og har ferdigheiter til å handtere ulykker og krisesituasjonaer, samt utføre førstehjelp og redning i ulike aktivitetar og landskapsformer under varierte forhold
- har leiarkompetanse innan friluftsliv og behersker formidling av sentrale tema knytt til opplæring, oppleving, sikkerheit, natur og kultur - også for internasjonale grupper
- kan effektivt anvende digitale verkty, faglege analyseverkty, teknikkar og uttrykksformer i fagleg arbeid
- kan reflektere over eigen fagleg utøving og justere denne under rettleiing
Kandidaten
- kan analysere og reflektere over relevante etiske og verdimessige problemstillingar innan fagfeltet, også internasjonalt.
- kan utøve kritisk og sjølvstendig tekning og refleksjon over eigen praksis
- kan formidle berekraftige og naturvenlege haldningar, og opptre profesjonelt i si yrkesrolle innan friluftsliv
- kan formidle sentralt fagstoff, problemstillingar, synspunkt og løysingar, både skriftleg, munnleg og gjennom andre relevante uttrykksformer
- kjenner til nytenking, innovasjon og entreprenørskap innan fagområdet
- kan utveksle synspunkt og erfaringar med andr emed bakgrunn innan fagområdet og på denne måten bidra til utvikling av god praksis
- har særleg god kunnskap om skog-, fjell- og kystlandskap på Sunnmøre, og ei aktiv tilnærming til å verte kjent med nye landskap, også internasjonalt
Bachelorgraden på 180 studiepoeng er fordelt over tre år med 60 studiepoeng per år. Arbeidsmengda skal vere omlag 1.600 arbeidstimar per 60 studiepoeng.
Undervisninga baserer seg på studentaktive arbeidsmåtar som krev deltaking og medansvar. Teori og praksis vil følgje kvarandre gjennom turar og aktivitetar i ulike naturtypar og til alle årstider.
Arbeidsmåten og organiseringa er tilrettelagt gjennom lærarstyret aktivitetar inne og ute, førelesingar, nettbasert læringsarbeid, sjølvstendig studentarbeid, eigenstudie, gruppearbeid, studentseminar og eigenferder. Fleire av dei praktiske undervisningsdelane blir gjennomført som turar over fleire døgn. Enkelte ferdigheitsprøver er lagt inn.
Studieprogresjon
Studiene er bygget opp slik at studentane stegvis bevegar seg mot mer krevande oppgåver. Vi kan dermed arbeide med ”Tur/oppgave etter evne”. Den ”eigenaktiviteten” studentane har i form av praksis og turar skal være innan rammar, område- og aktivitetstype som er gjennomgått i undervisning.
| Emne | 26 H | 27 V | 27 H | 28 V | 28 H | 29 V |
|---|---|---|---|---|---|---|
Obligatoriske emner | ||||||
| 30 | ||||||
| 30 | ||||||
| 15 | ||||||
| 15 | ||||||
| 15 | ||||||
Valemne | 15 | |||||
IKF113 Ski | 15 | |||||
| 15 | ||||||
Norwegian Wood(s) | 15 | |||||
| 15 | ||||||
Ernæring og helse | 15 | |||||
| 15 | ||||||
| 15 | ||||||
Internasjonalisering | 30 | |||||
Obligatoriske emner | ||||||
| 15 | ||||||
| 15 | ||||||
| 15 | ||||||
Studentane vel anten IKF209 eller IKF210 | 15 | |||||
| 15 | ||||||
| 15 | ||||||
| Sum (180 total) | 30 | 30 | 30 | 30 | 30 | 30 |
Studenten må vere fysisk og mentalt skikka til å ta vare på seg sjølv og andre i variert natur. Studenten må vere utstyrsmessig utrusta til å gjennomføre undervisningsopplegga med overskot. Studenten må vere symjedyktig og kunne ferdast til fots i ulendt terreng og på ski med full oppakning under varierte forhold. Under samlingane vil ein bu i telt eller ulike former for bivouak.
Studiet har praksis og det skal leverast politiattest.
Første året er det både observasjonspraksis og vegleiingspraksis. Praksisen skal ha ein varigheit på minimum 4 dagar haust og vår. Andre året er det intern og ekstern praksis knytt til naturguiding. Tredje året er det praksis med helsefremjande arbeid knytt til utviklingsarbeid.
Det er mogleg å reise på utveksling i 5. semester til ein av våre samarbeidande institusjonar i utlandet. Ta kontakt med studieprogramleiar eller internasjonalt kontor for meir informasjon.
Materialavgift. Kr. 400 pr. semester.