Fysisk aktivitet og ernæring er sentralt i både idrett, daglegliv og i arbeid for å fremje folkehelse. I dette emnet får du ei innføring i ernæring knytt til fysisk aktivitet, prestasjon, helse og trivsel. Kunnskap om ernæring og fysisk aktivitet gir viktig og relevant kompetanse innan fleire ulike yrkesretningar, og er særleg relevant for:

• Dei som ynskjer ein introduksjon til ernæring og fysisk aktivitet før vidare studier
• Fagpersonar i ulike yrkesretningar der ernæring og fysisk aktivitet er relevant, som til dømes innan skulesektor, helse- og omsorg, eller andre yrker innan folkehelse, som Frisklivssentralen 
• Dei som ynskjer meir kunnskap om mat og fysisk aktivitet

Innhald

Emnet gir ei grunnleggande innføring innan ernæringslære relatert til fysisk aktivitet. Du vil lære kva kosthald som fremjar prestasjon, restitusjon og generelt god helse. Gjennom studiet vil det vere særleg fokus på følgande tema:

• Samanheng mellom ernæring, trening, helse og prestasjon.
• Energiomsetning og energiforbruk under fysisk aktivitet.
• Nærings- og væskebehov ved fysisk aktivitet.
• Væske- og elektrolyttbalansen.
• Kosttilskot.
• Ernæring, trening og immunsystemet.
• Ernæringsmessige utfordringar innan idrett.
• Ernæring, fysisk aktivitet og spesielle behov.