Kompetanse for kvalitet Vidareutdanning (bachelornivå)
Norsk 2, nynorsk i opplæringa, 8.-13. trinn
Dette er ei nettbasert vidareutdanning retta mot lærarar som ønskjer meir kompetanse i bruk av nynorsk i opplæringa.
- Start:
- Haust
- Omfang:
- Deltid Nettstudium
- Studiepoeng:
- 30,0
- Varigheit:
- 2 semester (1 år)
- Studietype:
- Kompetanse for kvalitet Vidareutdanning (bachelornivå)
- Søknadsperiode:
- 01.02.2024
Vidareutdanninga er nettbasert og retta mot lærarar som ønskjer meir kompetanse i bruk av nynorsk i opplæringa.
Målet med studiet er at studentane skal kunne drive god opplæring i nynorsk på alle nivå i grunnopplæringa i tråd med intensjonane i Læreplanen.
Utdanninga er eit tilbod under satsinga Kompetanse for kvalitet frå Utdanningsdirektoratet (UDIR) når det gjeld vidareutdanning for lærarar og skuleleiarar. All undervisning er nettbasert.
Opptakskrav
Fullført lærarutdanning (grunnskulelærar, allmennlærar, førskulelærar, barnehagelærar, eller Praktisk-pedagogisk utdanning PPU).
Undervisningsmåtar og vurderingsordningar
Undervisninga er nettbasert og nyttar læringsplattformen Canvas. Nynorsk i opplæringa 1 er delt i tre tema som vil bli introduserte gjennom nettleksjonar fordelt over eitt semester. Kvart tema vil ha ein eigen fagleg profil med tilhøyrande pensumlitteratur og arbeidskrav. Som avsluttande eksamen skal det leverast ei semesteroppgåve på ca 3000 ord.
Rettleiing, individuelt og i grupper, er ein viktig del av studiet. Studentane skal utvikle eigen rettleiingskompetanse ved å rettleie kvarandre.
Aktuelle yrke og vidare studium
Undervisninga er nettbasert og nyttar læringsplattformen Canvas. Nynorsk i opplæringa 1 er delt i tre tema som vil bli introduserte gjennom nettleksjonar fordelt over eitt semester. Kvart tema vil ha ein eigen fagleg profil med tilhøyrande pensumlitteratur og arbeidskrav. Som avsluttande eksamen skal det leverast ei semesteroppgåve på ca 3000 ord.
Rettleiing, individuelt og i grupper, er ein viktig del av studiet. Studentane skal utvikle eigen rettleiingskompetanse ved å rettleie kvarandre.
Tidspunkt for oppmøte og samlingar
Nettstudium, ingen oppmøte eller synkron undervisning. Første undervisningsmodul blir publisert i Canvas måndag 15. august
Pensum
Studieplan
Norsk 2, nynorsk i opplæringa 8.-13. trinn - Kompetanse for kvalitet
Studiet er primært retta mot lærarar som underviser på 8. - 13. steg i grunnopplæringa, og er 30 studiepoeng vidareutdanning for lærarar.
Målet med studiet er at studentane skal kunne drive god opplæring i tråd med intensjonane i Læreplanen.
I tråd med det nasjonale kvalifikasjonsrammeverket har studenten følgjande læringsutbytte etter fullført studieprogram:
Studenten har kunnskap om
- den norske språksituasjonen generelt og nynorsk språk, tekst og litteratur spesielt
- språksituasjonen i Noreg i historisk og internasjonalt perspektiv
- læringsfremjande vurderings- og rettleiingsstrategiar i arbeid med elevtekstar på nynorsk
- relevant didaktikk for god hovudmåls- og sidemålsundervisning
- nynorsk språkdidaktikk, inkludert språkbadsmetodikk
- litteratur og litteraturformidling med vekt på nynorsk barne- og ungdomslitteratur
Studenten skal kunne
- utvikle og leggje til rette for god nynorskundervisning, anten nynorsk er hovudmål eller sidemål
- arbeide med lesing og skriving som grunnleggjande ferdigheiter i eit nynorskperspektiv
- leggje til rette for og stimulere til skrivelyst og skriveglede gjennom bruk av nynorsk i opplæringa
- leggje til rette for og stimulere til leselyst og leseglede gjennom aktiv bruk av nynorske tekstar i opplæringa
Studenten skal
- analysere og reflektere over læraren si rolle som modell, som formidlar og rettleiar i ein språksituasjon med ulike språkformer og kulturelt mangfald
- bruke IKT i undervisninga, både fagleg og didaktisk
- utvikle sin eigen nynorske tekst- og språkkompetanse gjennom eiga skriving
Studiet er sett saman av to emne på 15 studiepoeng kvar. Sjå emnetabell.
Undervisninga er nettbasert og nyttar læringsplattforma Canvas. Kvart 15 studiepoengs-emne er delt i tre delemne med tilhøyrande pensum, digitalt undervisningsmateriell og skriftlege arbeidskrav. Ein sentral del av studiet er skriving på nynorsk, og studentane vil få rettleiing og vurdering frå faglærarar, i tillegg til å få og gje medstudentrespons.
Alle arbeidskrav og eksamenssvar i studiet skal skrivast på nynorsk. Som avsluttande eksamen skal det leverast ei semesteroppgåve på om lag 3000 ord.
| Emne | 2024 Haust | 2025 Vår |
|---|---|---|
| 15 | ||
| 15 | ||
| Sum (30 total) | 15 | 15 |
Datamaskin med Internett.
Det er ikkje praksis knytt til studiet
