Vidareutdanning (bachelornivå)
Leire og tekstil i skulen
Vidareutdanninga er retta mot lærarar i grunnskulen frå 1. til 10. årstrinn, og har som mål å gi læraren kompetanse som utøvar og formidlar av skulefaget Kunst og handverk. I studiet vert det lagt særskilt vekt på leire og tekstil.
- Start:
- Haust
- Omfang:
- Deltid Nettstudium Samlingar
- Studiepoeng:
- 30
- Varigheit:
- 2 terms (1 year)
- Studietype:
- Vidareutdanning (bachelornivå)
Studiet skal gi konkret og praksisnært læringsutbytte. Gjennom praktiske tilnærmingar får studentane erfaring med bruk og gjenbruk av materialar som gir grunnlag for å utvikle ein etisk, miljømedviten undervisningspraksis.
Studiet er nett- og samlingsbasert. Samlingane vil sikre at studentane får nødvendig undervisning i praktisk arbeid i verkstadane. Erfaringar frå studenten sin undervisningskvardag vil inngå i heile studieløpet.
Opptakskrav
Fullført lærarutdanning (grunnskulelærar, barnehagelærar, faglærar, PPU eller tilsvarande)
Undervisningsmåtar og vurderingsordningar
Studiet er nett- og samlingsbasert med to samlingar pr. semester ved Høgskulen i Volda. Tilbodet består av 2 emne à 15 studiepoeng. Studenten gjennomfører eitt emne pr. semester.
Arbeids- og undervisningsformene i studiet vil veksle mellom teoretisk tilnærming, praktisk utøvande arbeid og didaktisk refleksjon knytt til studentane si eiga praksiserfaring. Aktiv bruk av digitale verkty og læringsressursar blir vektlagt.
Studieplan - Deltid
Leire og tekstil i skulen - vidareutdanning
Leire og tekstil i skulen er eit etter- og vidareutdanningsstudie for dei som jobbar som lærar 1.-10. årstrinn.
Studiet skal utvikle studenten som utøvar og formidlar av skulefaget Kunst og handverk, med særskilt fokus på leire og tekstil, og har som mål å gje konkret og praksisnært læringsutbytte. Utvikling av kompetanse i å planlegge, gjennomføre og vurdere, samt involvere ulike kulturar gjennom skapande arbeid, og å tilpasse verkstadundervisning til elevar sine behov og interesser står sentralt. Gjeldande læreplanar, fagteori og fagdidaktikk, vil saman med studenten sin eigen skulepraksis, og rolle som utøvar, danne refleksjonsgrunnlag i studiet.
Faget i eit notids- og framtidsperspektiv skaper ramme om studietilbodet. Gjennom praktiske tilnærmingar får studentane erfaring med bruk og gjenbruk av materialar som gjev grunnlag for å utvikle ein etisk, miljømedviten undervisningspraksis.
Studiet er nett- og samlingsbasert. Samlingane vil sikre at studentane får nødvendig undervisning i praktisk arbeid i verkstadane. Erfaringar frå studenten sin undervisningskvardag vil inngå i heile studieforløpet.
Læringsutbyttet må sees i sammenheng med innhold og arbeidsmetoder i emnene. I tråd med det nasjonale kvalifikasjonsrammeverket har studenten følgende læringsutbytte etter fullført studieprogram.
Studenten har
- kunnskap om skulefaget Kunst og handverk sine kjerneelement knytt til leire og tekstil
- kunnskap om fagteori og fagdidaktikk som grunnlag for refleksjon og undervisning
- kunnskap om berekraftige tilnærmingar i møte med materialområda.
Studenten kan
- velje høvelege verkty, teknikkar og materiale innan leire og tekstil
- bruke kunst- og formkultur som utgangspunkt for eige og elevar sitt skapande arbeid
- reflektere over eigen undervisningspraksis med utgangspunkt i fagteori og fagdidaktikk
- gjere berekraftige vurderingar i møte med materialområda leire og tekstil, og kople dette til eige og elevar sitt skapande arbeid.
Studenten kan
- sjå fagområdet sitt potensiale til å fremje berekraftig utvikling
- bruke fagkunnskapar og ferdigheiter på ein sjølvstendig måte
- formidle og presentere faget munnleg, skriftleg og gjennom andre relevante uttrykksformer.
Studiet er nett- og samlingsbasert med to samlingar pr. semester ved Høgskulen i Volda. Tilbodet består av 2 emne à 15 studiepoeng. Studenten gjennomfører eitt emne pr. semester.
Arbeids- og undervisningsformene i studiet vil veksle mellom teoretisk tilnærming, praktisk utøvande arbeid og didaktisk refleksjon knytt til studentane si eiga praksiserfaring. Aktiv bruk av digitale verkty og læringsressursar blir vektlagt.
| Emne | 2026 Haust | 2027 Vår |
|---|---|---|
| 15 | ||
| 15 | ||
| Sum (30 total) | 15 | 15 |
Det vert forventa at studentane, etter obligatorisk opplæring i utstyr- og verktybruk, kan handtere desse på eiga hand i og utanfor undervisningstid. I tillegg vert det forventa at studenten har eigen bærbar PC og digital grunnkompetanse (epost, word, powerpoint osb).
Studentane må betale ei materialavgift for kvart emne. Denne dekkjer felles innkjøpte material. Summen for kvart emne er å finne i den aktuelle emneplanen.
Studiet vert evaluert i samsvar med HVO sitt kvalitetssystem.
