Vidareutdanning (bachelornivå)
Introduksjon til kunstig intelligens i skulen
Emnet gir ei innføring i kunstig intelligens (KI) og bruken av det i skulen. Det har som mål å setje lærarar i grunn- og vidaregåande skule i stand til å integrere KI i sin pedagogiske praksis.
- Start:
- Vår
- Omfang:
- Nettstudium Deltid
- Studiepoeng:
- 5
- Varigheit:
- 1 semester
- Studietype:
- Vidareutdanning (bachelornivå)
- Søk frå:
- 01.11.2026
Studiet har løpande opptak.
Emnet dekker historia til KI, grunnleggjande prinsipp for maskinlæring og språkmodellar, og korleis desse teknologiane kan brukast i pedagogisk praksis.
Det vert gitt ei innføring i etiske og juridiske implikasjonane av å bruke kunstig intelligens i utdanning, til dømes knytt til personvern, datasikkerheit, og skeivskapar (bias). Studentane skal vere i stand til å vurdere kvaliteten og relevansen av kunstig intelligens-verktøy for spesifikke pedagogiske formål, og integrere læringsfremjande bruk av KI i eigen undervisning og arbeidskvardag.
Studentane får tett fagleg oppfølging, framovermeldingar og gir høve til samarbeid eller individuelt læringsarbeid.
Studiet har ei studieavgift på 2 000 kr i tillegg til semesteravgift.
Meir informasjon om studiet
Studiet skal sette læraren i stand til å vurdere kvaliteten og relevansen av kunstig intelligens-verktøy for spesifikke pedagogiske formål, og integrere læringsfremjande bruk av KI i eigen undervisning og arbeidskvardag.
Undervisningsmåtar og vurderingsordningar
Det er lagt opp til problembaserte og studentaktive arbeidsformer, individuelt og i grupper. Arbeidsoppgåver vil vere praksisnære, og knytt til læring og undervisning. Emnet er asynkront organisert i nettleksjonar, øvingar og mappeoppgåver. Øvingar og mappeoppgåver vil dekkje både praktisk arbeid med ulike KI-verktøy og didaktisk refleksjon.
Opptakskrav
Fullført lærarutdanning.