Fordjuping i programmering i skulen

Studiet gir ei djupare innsikt i blokk- eller tekstbasert programmering. Det er retta mot lærarar og andre med grunnleggande kunnskap i programmering, og som ønskjer å støtte elevane i å kunne utvikle meir komplekse program. Studentane vil mellom anna få kunnskap om lagring og innhenting av data frå eksterne kjelder. I tillegg vil programmering som del av teknologiske system bli undersøkt, med fokus på samhandling mellom digitale system og fysiske komponentar, samt automatisering og styring. Kommunikasjonsprinsipp (sender/mottakar) vil bli drøfta, med vekt på formidling og tolking av informasjon mellom system. Det er mogleg å spesialisere seg i blokkprogrammering eller tekstbasert programmering.