Dette emnet gir ei djupare innsikt i blokk- eller tekstbasert programmering. Emnet er retta mot lærarar og andre med grunnleggjande kunnskap i programmering , som ønskjer å utvikla ferdigheitene sine og støtte elevar i å lage meir komplekse program. 
 
Deltakarane vil utforske konsept som objekt og hendingar, datastrukturar som lister og matriser, samt meir samansette kontrollstrukturar. Emnet vil også inkludere lagring og innhenting av data frå eksterne kjelder. I tillegg vil programmering som del av teknologiske system bli undersøkt, med fokus på samhandling mellom digitale system og fysiske komponentar, samt automatisering og styring. Kommunikasjonsprinsipp (sender/mottakar) vil bli drøfta, med vekt på formidling og tolking av informasjon mellom system. Studentane kan spesialisera seg i blokkprogrammering eller tekstbasert programmering, avhengig av interesse og læringsbehov. 
 
Emnet legg vekt på metodar og verktøy for å kunne tilpasse programmeringsundervisning i møte med mangfaldige elevgrupper. Deltakarane vil få erfaring med å integrere programmering i faglege prosjekt og utforske korleis programmering kan fremje kreativitet og problemløysingsferdigheiter.