Semestre
MGL5-10SA1B Samfunnsfag 1B: Samfunnsutvikling og berekraft
Ingen.
Utgangspunkt for emnet er kjerneelementet «Berekraftige samfunn» i læreplanen for samfunnsfag i Kunnskapsløftet 2020. Undervisninga i grunnskulen skal gi elevane innsikt i dei økonomiske, miljømessige og sosiale dimensjonane ved berekraftig utvikling, og samanhengen mellom desse. Emnet tar for seg berekraft og samfunnsutvikling frå ulike perspektiv, frå det lokale til det globale, i fortid, notid og framtid. Undervisningstema i emnet vert knytt til omgrepa utvikling, berekraft og resursar. I fagdidaktikken vil berekraftdidaktikk, kritisk omgrepsbruk og utvikling av undervisningsressursar ved bruk av digitale verktøy vere sentralt.
I samsvar med det nasjonale kvalifikasjonsrammeverket har studenten følgjande læringsutbytte etter fullført emne:
Studenten skal ha kunnskap om
- sentrale didaktiske tema knytte til berekraftig utvikling
- samfunnsutvikling med vekt på 1800-talet
- ressursar, klima og demografi
- økonomisk globalisering
- didaktisk bruk av utvalde digitale uttrykksformer i samfunnsfag
- vurderingspraksis i samfunnsfag
- undervisning om verdiar i samfunnsfag
Studenten skal kunne
- bruke ulike perspektiv på berekraftig utvikling frå det globale til det lokale, i fortid, notid og framtid
- bruke ei analytisk tilnærming til korleis geografiske, historiske og notidige forhold set vilkår for korleis menneske dekker behov, og fordeler ressursar
- arbeide med verdiar og haldningar i samfunnsfag relatert til samfunnsutvikling og berekraft.
- utvikle undervisningsresursar ved hjelp av digitale verktøy og kjelder, og vurdere den didaktiske relevansen
- bruke årsak-verknad og brot-kontinuitet som analytiske verktøy i arbeidet med historiske tema
Studenten skal kunne
reflektere sjølvstendig og kritisk over samfunnsfaglege spørsmål og eigen praksis i eit berekraftperspektiv
Læringsutbytte blir varetatt gjennom studentaktive undervisnings- og vurderingsformer, som legg vekt på fagleg refleksjon.
Frammøtekrav:
Obligatorisk oppmøte til alle timeplanfesta aktivitetar, jamfør Forskrift om opptak, studium og eksamen ved Høgskulen i Volda § 7-6
Arbeidskrav:
Det er tre arbeidskrav i emnet, alle er individuelle, og alle må vere leverte til rettleiing og godkjende for å kunne gå opp til eksamen.
Rammene for arbeidskrava blir klare ved semesterstart. Viser til Forskrift om studium og eksamen ved Høgskulen i Volda § 7-7.
Sensur vert gjennomført i samsvar med Forskrift om opptak, studium og eksamen ved Høgskulen i Volda - Kapittel 10.
- Grunnskulelærarutdanning, trinn 5-10 - master (5 år)
| Vurderingsform | Gruppering | Varighet | Karakterskala | Andel | Kommentar | Hjelpemidler | Omfang |
|---|---|---|---|---|---|---|---|
Mappeeksamen | Individuell | 1 Semester | A-F, der A er best og E er siste ståkarakter | Tre arbeidskrav skal leverast i ei eksamensmappe saman med ein mappetekst. Eitt arbeidskrav vert trekt ut og vurdert saman med mappeteksten. |