Eksamen

Høgskulen i Volda arrangerer privatisteksamen i emne der det allereie er satt opp eksamen. Privatistar er eksamenskandidatar som ikkje har studierett på det aktuelle studiet. Privatistar kan ikkje vere utestengt frå høgskulen eller ha blitt fråteke retten til å gå opp til eksamen ved institusjonar under universitets- og høgskulelova.

Privatistar må betale semesteravgift og eksamensavgift. Eksamensavgifta er som følgjer:

• Emne opptil 15 studiepoeng: 3000 kr
• Emne mellom 16 og 30 studiepoeng: 4000 kr
• Emne over 30 studiepoeng: 6000 kr

Privatistar må vere kvalifiserte til å ta emnet (forkunnskapskrav og opptakskrav), samt vere kvalifiserte til å gjennomføre eksamen (eventuell obligatorisk aktivitet).

Retningslinjer for privatisteksamen ved Høgskulen i Volda er å finne her: Retningslinjer for privatisteksamen.

Dersom du ønsker å gjennomføre privatisteksamen, kan du kontakte eksamensteamet på e-post for å få informasjon om søknadsprosessen: eksamen@hivolda.no.

Søknadsfristen er 15. august for haustsemesteret og 15. januar for vårsemesteret.

Normalt har du tre eksamensforsøk på kvar eksamen. Ein student som ikkje har bestått ein eksamen etter tre forsøk, kan i særlege tilhøve søke om eit fjerde eksamensforsøk. Studieprogresjon og faglege prestasjonar kan telje med i vurderinga av ein slik søknad.

For studentar: Du kan lese meir om dette ved å logge inn på Studentportalen.

Om du ikkje er aktiv student kan du ta kontakt med eksamen@hivolda.no for å få meir informasjon om søknadsprosessen, dersom dette er aktuelt for deg.

Følgjande gir rett til kontinuasjonseksamen til kontinuasjonseksamen i påfølgande semester:

• Gyldig fråvær
• Resultatet F eller ikkje bestått
• Trekk under ordinær eksamen (at du møter opp på skule-/munnleg eksamen, men vel å trekke deg utan å fullføre, eller at du loggar inn og leverer blankt på heimeeksamen)

Merk at du sjølv må melde deg opp til kontinuasjonseksamen innan 1. februar for vårsemesteret og 1.september for haustsemesteret. Dette gjer du normalt i Studentweb. Dersom du ikkje har tilgang til å gjere det der, må du bruke nettskjemaet for kontinuasjonseksamen som du finn lenger oppe på denne sida.

Trekk frå eksamen før fristen, ikkje møtt eller ikkje levert eksamen gir ikkje utløysande rett.

Ja. Studentar utan utløysande rett kan melde seg til kontinuasjonseksamen innan fristen. Men eksamen blir berre arrangert dersom minst ein student med utløysande rett er meldt opp innan fristen. Dersom du har meldt deg opp til kontinuasjonseksamen, vil du få beskjed om det blir arrangert eksamen eller ikkje etter søknadsfristen.

Ja, men kva du kan levere er avhengig av om du har bestått oppgåva før eller ikkje. Det er alltid fagmiljøet som avgjer kva som krevst:

• Viss du har bestått oppgåva frå før: Hovudregelen er at du må skrive ei heilt ny oppgåve med ny problemstilling.
• Viss du ikkje har bestått: Du kan etter avtale omarbeide den opphavlege oppgåva, eller skrive ei ny.

For at ei omarbeidd oppgåve skal bli godkjend som eit nytt forsøk, må det gjerast vesentlege endringar av den opphavlege oppgåva. Dette kan til dømes innebere at oppgåva:

• inneheld svar på nye problemstillingar
• bruker nytt empirisk materiale (kjelder/data)
• inneheld ei vesentleg endra analyse og tolking av den opphavlege empirien

Merk at du alltid må kontakte emneansvarleg eller rettleiar i god tid for å få ei fagleg avklaring på kva som må endrast for at oppgåva skal kunne reknast som ein forbetra versjon.

Du har sjølv ansvar for å setje deg inn i regelverket for gjenbruk av arbeid (sjå retningslinjer om fusk ved HVO).

Ja, men kva du kan levere er avhengig av om du har bestått mappeeksamenen før eller ikkje. Det er alltid fagmiljøet som avgjer kva som krevst:

Viss du har bestått mappeeksamenen frå før: Hovudregelen er at du må levere heilt nye arbeid eller oppgåver i mappa.

Viss du ikkje har bestått: Du kan etter avtale omarbeide delar av den eksisterande mappa, eller løyse heilt nye oppgåver.

Merk at du alltid må kontakte emneansvarleg i god tid for å avklare bruk av allereie innlevert studentarbeid, og for å få ei fagleg avklaring på kva delar som må endrast eller bytast ut for at mappeeksamenen skal kunne reknast som ein forbetra versjon.

Du har sjølv ansvar for å setje deg inn i regelverket for gjenbruk av arbeid (sjå retningslinjer om fusk ved HVO).

Dersom du har fått karakteren F eller ikkje bestått, kan du levere ei ny eller omarbeidd oppgåve éin gong i løpet av dei to påfølgjande semestera. Det må avklarast med emneansvarleg og/eller rettleiar kva endringar som må gjerast for at oppgåva skal kunne reknast som ny eller omarbeidd.

Dersom du trekk deg frå levering etter trekkfristen, eller ikkje har levert oppgåva innan fristen, bruker du eit eksamensforsøk. Du kan då levere oppgåva til sensur éin gong i løpet av påfølgjande semester.

I begge tilfella må du melde deg opp til kontinuasjonseksamen innan gjeldande frist for semesteret.

Dersom du har fått bestått karakter på master- eller bacheloroppgåve er det normalt ikkje høve til å levere på nytt. I særskilde høve kan ein student etter søknad få lov til å skrive ei ny oppgåve éin gong.

For studentar: Du kan lese meir om dette ved å logge inn på Studentportalen.

Dersom du ikkje er aktiv student kan du ta kontakt med eksamen@hivolda.no for å få informasjon om søknadsprosessen.