Utdanningsdagane - Barnehagelærar
Barnehagen – arena for omsorg, leik, læring og danning.
Dyktige og engasjerte barnehagelærarar er etterspurde arbeidstakarar over heile landet. Barnehagelærarutdanninga kvalifiserer til arbeid som pedagogisk leiar og styrar i barnehagar.
Barnehagen er ein viktig arena for omsorg og leik, læring og danning; her tek borna sin personlegdom og verdiar form. Barnehagelæraren skal ha fagleg kunnskap til å ta vare på både barnegruppa og det enkelte barnet. Tek du barnehagelærarutdanninga, har du også teke eit val om å bli leiar. Som barnehagelærar skal du leie personal- og barnegrupper som skal bli sett og følgt opp.
Å være barnehagelærar er eit stort og meiningsfullt ansvar, med ein kvardag der du får brukt deg sjølv og evnene dine på å rettleie barn på ein positiv måte.
I vår presentasjon av barnehagelærarutdanninga ved Høgskulen i Volda vil du få høyre meir om studiemodellen, undervisninga, studieturar, internasjonalt semester, praksis med meir. Du møter rådgjevar Hanne Elin Harnes og student i 2. år heiltid Dorcas Mukulu.
Vel møtt!