Vidareutdanning (bachelornivå)
Programmering med mikrokontrollere
Vidareutdanninga gir studentane erfaring med å programmere mikrokontrollerar, bruke dei til å styre elektriske kretsar og enkle robotar, og nytte metodar for produktutvikling til å lage prototypar der mikrokontrollerar inngår.
- Start:
- Vår
- Omfang:
- Deltid Nettstudium
- Studiepoeng:
- 5
- Varigheit:
- 1 semester
- Studietype:
- Vidareutdanning (bachelornivå)
- Søk frå:
- 01.11.2025
Emnet skal gi studentane erfaring med å programmere mikrokontrollerar, korleis dei kan brukast til å styre elektriske kretsar og enkle robotar og korleis metodar for produktutvikling kan brukast til å lage prototypar der mikrokontrollerar vert teke i bruk.
Målgruppa for emnet er lærarar i grunnskulen og andre som ønsker å bruke mikrokontrollerar i si undervisning. Faget er særskilt relevant for dei som undervisar i kunst & handverk, naturfag og matematikk.
Studiet har ei studieavgift på 2 000 kr i tillegg til semesteravgift.
Undervisningsmåtar og vurderingsordningar
Det er lagt opp til problembaserte og studentaktive arbeidsformer, individuelt og i grupper.
Arbeidsoppgaver vil vere praksisnære, og knytt til læring og undervisning. Emnet er organisert i nettleksjonar, øvingar og mappeoppgaver. Øvingar og mappeoppgaver vil dekkje bade praktisk programmering, didaktisk refleksjon og tekstbasert programmering sin plass i skulen.
Opptakskrav
Fullført lærarutdanning