Vidareutdanning (bachelornivå)
Politikk, makt og juss
Vidareutdanninga gir ei grundig innføring i stats- og kommunalkunnskap, og i sentrale juridiske spørsmål knytt til offentleg sektor. Studiet er retta mot deg som er i arbeid og treng kompetansepåfyll.
Studieavgift 3 500 kr
- Start:
- Haust
- Omfang:
- Deltid Nettstudium
- Studiepoeng:
- 10
- Varigheit:
- 1 semester
- Studietype:
- Vidareutdanning (bachelornivå)
- Søk frå:
- 01.02.2026
Studiet har løpande opptak.
I studiet vert det lagt til rette for at du kan kople teori med eigen praksis, gjennom oppgåver og refleksjonar over problemstillingar du møter i arbeidslivet. Dette bidreg til å styrke den faglege kompetansen din.
MERK! Studentar som allereie har fått opptak ved Bachelor i samfunnsutvikling eller Årsstudium i samfunnskunnskap, kan ikkje velje GOV101N som nettemne.
Studiet har ei studieavgift på 3 500 kr i tillegg til semesteravgift.
Meir informasjon om studiet
Vidareutdanninga gir deg innføring i stats- og kommunalkunnskap og i sentrale juridiske spørsmål i offentleg rett.
Undervisninga er organisert i følgjande tema:
- Demokrati og demokratisering
- Politisk utvikling
- Forhold mellom stat og kommune
- Kommunal organisering
- Forvaltningsrett
Undervisningsmåtar og vurderingsordningar
Undervisninga er organisert med nettleksjonar, videoleksjonar, oppgåver og digitale diskusjonsforum i gjeldande læringsplattform. Nettleksjonar og videoleksjonar er asynkrone og kan gjennomførast når det passar for studenten, innanfor rammene av semesteret emnet går. Det kan også bli gitt tilbod om digitale møter i sanntid.
Opptakskrav
Generell studiekompetanse og minst 2 års arbeidserfaring.
Aktuelle yrke og vidare studium
Vidareutdanninga gir etterspurt kompetanse til arbeidstakarar i offentleg sektor.
Studiet inngår i Årsstudium i samfunnskunnskap og Bachelor i samfunnsutvikling. Du vil få emnet godskrive om du ønskjer å studere vidare ved desse utdanningane.
