Semestre
PPUD-DID1SA Didaktikk 1 Samfunnsfag
Ingen.
Lærarrolla i samfunnsfag er hovudtema i emnet. Sentralt er utvikling av kunnskap om fagområdet i skulen før og no, og refleksjonar over arbeidsmåtar, vurderingspraksis og grunngjevingar for læringsarbeid. Emnet vektlegg kritisk vurdering av kunnskapsgrunnlag for samfunnsfaga i skulen gjennom øvingar i planlegging, gjennomføring og vurdering av undervisning.
I samsvar med det nasjonale kvalifikasjonsrammeverket skal studenten ha følgjande læringsutbytte etter fullført emne:
Studenten skal ha:
- Kunnskap om samfunnsfaga sine eigenartar og mangfald, og dei utfordringane og moglegheitene dette kan gi for samfunnsfaglærarrolla
- Kunnskap om samfunnsfaga sin plass, grunngjeving og progresjon i skulen
- Kunnskap om undervisnings-, arbeids- og vurderingsformer generelt og fagspesifikt
Studenten:
- Kan analysere og drøfte utfordringar i læreplan og øvrige styringsdokument knytt til samfunnsfaga i skulen
- Kan planlegge, gjennomføre, vurdere og grunngje undervisning i samfunnsfaga, tufta på mål for opplæringa og lokale og individuelle behov
- Kan leie og motivere elevar i fagleg arbeid, og skape eit trygt og inkluderande læringsmiljø for alle elevar
Studenten:
- kan utøve ei sjølvstendig og profesjonsetisk haldning i møte med alle elevar og kollegaer, og fremje dialog, toleranse og respekt
- kan orientere seg i faglitteratur, reise relevante problemstillingar, undersøke og drøfte desse kritisk i utvikling av sin eigen faglege praksis
Undervisninga vert gitt på to ulike nivå: i plenum i felles fagdidaktikk, og i gruppe i samfunnsfagdidaktikk (spesifikk fagdidaktikk). Studenten vil få arbeidskrav tilpassa studenten sin fagbakgrunn, og med tilbod om individuell rettleiing.
Frammøtekrav:
Det er obligatorisk frammøte til undervisning og andre læringsaktivitetar knytt til emnet. Les om frammøtekrav i Forskrift om opptak, studium og eksamen ved Høgskulen i Volda § 7-6
Frammøtekrav gjeld undervisninga både i spesifikk fagdidaktikk og felles fagdidaktikk.
Arbeidskrav:
Presiseringar av arbeidskrava vert gitt ved studiestart.
Studentar i primærfag har følgjande arbeidskrav i tillegg til 80 prosent frammøte:
Del A) Eitt arbeid om samfunnsfagdidaktiske problemstillingar for undervisningsplanlegging
Del B) Eitt arbeid om samfunnsfagdidaktisk praksisrefleksjon i faglærarrolla
Studentar i sekundærfag har følgjande arbeidskrav:
Godkjent 80 prosent frammøte i undervisning
For å kunne ta eksamen i emnet må obligatorisk frammøte og arbeidskrav i pedagogikk 1 og didaktikk 1 vere godkjend.
Praksis1 må vere påbyrja.
Les meir om arbeidskrav i Forskrift om studium og eksamen ved Høgskulen i Volda § 7-7.
Sensur vert gjennomført i samsvar med Forskrift om opptak, studium og eksamen ved Høgskulen i Volda - Kapittel 10.
- Praktisk-pedagogisk utdanning, allmennfag (deltid)
| Vurderingsform | Gruppering | Varighet | Karakterskala | Andel | Kommentar | Hjelpemidler | Omfang |
|---|---|---|---|---|---|---|---|
Munnleg eksamen | Individuell | 45 minutt | A-F, der A er best og E er siste ståkarakter | 100 | Eksamen er tverrfagleg for didaktikk og pedagogikk, og gjennomført i samarbeid med PPU-PED1 |