Semestre
IPA302 Prosessleiing
Emnet tek for seg prosjekt- og prosessleiing med vekt på kommunikative arbeidsmåtar i utviklingsarbeid. Bruk av verkstadar og ulike kreative metodar som kan inngå i prosessarbeid er sentralt teoretisk og blir praktisk øvd på.
Studentane skal utarbeide eigne prosjekt- og prosessplanar som er sluttvurderinga i emnet.
Emnet er valemne i masterprogrammet i samfunnsplanlegging og leiing og opent for andre masterstudentar. Emne eignar seg også som vidareutdanning i prosessleiing.
I undervisningsopptaket (tidleg semesterregistrering blir søkjarar til emnet prioritert slik:
- Studentar på masterprogrammet i samfunnsplanlegging og leiing
- Studentar på masterprogramma i helse- og sosialfag og i barnevernsarbeid
- Studentar på programmet Master in Media Practices
I ordinær registreringsperiode gjeld prinsippet om "først til mølla" for opptak til undervisning i emnet.
I samsvar med det nasjonale kvalifikasjonsrammeverket har studenten følgjande læringsutbytte etter fullført emne:
Kandidaten
har avansert kunnskap om kommunikative teoriar med relevans for prosessleiing og spesialisert kunnskap om kreativ problemløysing
har inngåande kunnskap om arbeidsmåtar i prosjekt- og prosessleiing
kan analysere og evaluere prosessar og leiing av desse
Kandidaten
kan planlegge og gjennomføre prosessar sjølvstendig
kan sjølvstendig bruke relevante verktøy som prosjekt- og prosessleiar
kan analysere og forhalde seg kritisk til gjennomføring av prosessar
Kandidaten
kan planlegge, gjennomføre og evaluere utviklingsarbeid internt og eksternt
kan kommunisere om faglege problemstillingar både med spesialistar og ålmenta
Emnet er samlingsbasert. Undervisninga er ein kombinasjon av forelesingar, seminar og ferdigheitstrening. Det vert lagt stor vekt på erfaringsutveksling og bruk av eigen kompetanse.
Emnet har felles undervising med bacheloremnet PRO231 Prosessleiing.
Studentane får tilgang til undervisningsressursen Canvas. Dette er vektøy for informasjonsutveksling, samlingsoversikt, presentasjonar og pensum.
Alle samlingane er øvingsbaserte. Derfor er det krav om obligatorisk oppmøte på 80 % av undervisninga for å kunne framstille seg til eksamen. Viser til Forskrift om opptak, studium og eksamen ved Høgskulen i Volda § 7-6
Studentane får tre arbeidskrav som må vere godkjende for å kunne framstille seg til eksamen. Viser til Forskrift om studium og eksamen ved Høgskulen i Volda § 7-7.
Sensur vert gjennomført i tråd med Forskrift om opptak, studium og eksamen ved Høgskulen i Volda - Kapittel 10.
- Helse- og sosialfag - master (deltid)
- Media Practices - master
- Samfunnsplanlegging og leiing - master (deltid)
| Vurderingsform | Gruppering | Varighet | Karakterskala | Andel | Kommentar | Hjelpemidler | Omfang |
|---|---|---|---|---|---|---|---|
Oppgave | Individuell | 1 Semester | A-F, der A er best og E er siste ståkarakter | 100 | Individuell oppgåve med utgangspunkt i sjølvvald tema. Studentane får rettleiing. | Alle. |
| Emne som gir reduksjon | Grad av overlapp | Vektingsreduksjon |
|---|---|---|
SAM301 Samplan | 100% | 100 |