Semestre
- 2026 Haust
- 2025 Haust
- 2024 Haust
- 2023 Haust
- 2022 Haust
- 2021 Haust
- 2020 Haust
- 2019 Haust
- 2017 Haust
- 2016 Haust
BLUSTM-D Språk, tekst og matematikk i barnehagelærarutdanninga
BLUPRA2-D
I dette kunnskapsområdet vert barns språklege, omgrepsmessige, matematiske og tekstkulturelle utvikling tematisert. Desse utviklingsområda er viktige for barns leik, læring og danning, og er avgjerande for at barn kan utvikle relasjonar til andre menneske og fungere sosialt i eit fleirspråkleg, fleirkulturelt og demokratisk samfunn. Innhaldet i kunnskapsområdet dreiar seg om barns språk og språkutvikling, barnelitteratur og mediekultur og barns matematiske meiningsskaping, kreative undring og problemløysning. I dette kunnskapsområdet fokuserer vi på barnehagelærarens rolle og ansvar for å gje barn varierte erfaringar med tilpassa språklege, litterære og matematiske aktivitetar. Gjennom dette emnet vil studenten tileigne seg kunnskap og kompetanse til å gi allle barnehagebarn ei best mogeleg språk- og matematikkutvikling, også når det gjeld ein god overgang mellom barnehage og skule.
Kunnskapsområdet kombinerer forskingsbasert og praksisnær kunnskap om språk- og matematikkutvikling, dokumentasjon og vurdering. Kunnskapsbasen byggjer på faga norsk, matematikk og pedagogikk. Undervisninga vil tydeleggjere ei barnehagepedagogisk tilnærming og fagdidaktisk forsking knytt til kunnskapsområdet, der profesjonsfagleg digital kompetanse og praksis inngår som ein integrert del.
I samsvar med det nasjonale kvalifikasjonsrammeverket har studenten følgjande læringsutbytte etter fullført emne:
Studenten har kunnskap om:
- barns matematiske utvikling, barns munnlege og skriftlege språk og språkutvikling, barns språk- og lesevanskar, språkleg mangfald og fleirspråklegheit
- korleis barn tileignar seg dialogferdigheiter og korleis dei skapar meining med og uttykker seg gjennom ulike teiknsystem
- skjønnlitteratur og sakprosa for barn, sjangrar frå munnlege forteljartradisjonar og moderne tekst- og mediekulturar
- barns problemløysingskompetanse og omgrepsutvikling i matematikk og har kunnskap om verdien av å utvikle positive haldningar til matematikk, språk og språkmangfald
- tal, teljing, rekning, talsystem, måling, rom, form, mønster og symmetri tilpassa aldersgruppa, og matematikk som verktøy for systematisk utforsking og tenking
- leikens verdi for språk- og matematikklæring
- samanhengen mellom barnehage og skule
- fleirspråklegheit og fleirkultur, herunder mellom anna samisk kultur og forteljetradisjon
- kroppslege aspekt ved barns språklege og matematiske utvikling
- betydinga av ei anerkjennande grunnhaldning
- datainnsamling og enkel analyse
Studenten kan:
- observere, legge til rette for, analysere, kartlegge og følje opp barns sosiale, språklege og matematiske utvikling
- vere ein bevisst språkleg rollemodell og ein samtalepartnar som framhevar utvikling, læring og danning i arbeid med barnehagens innhald
- organisere eit inkluderande og stimulerande leikemiljø for matematisk og språkleg utforsking, forteljing og høgtlesing og sikre mangfald i barns tekstopplevingar og lesefellesskap, også i eit fleirkulturelt perspektiv
- rettleie og inspirere barn når dei utforskar munnlege og skriftlege sjangrar, matematiske problem, symbol og samanhengar
- formidle tekst, fortelje, lese høgt og syngje
- analysere og vurdere ulike kartleggingsverktøy, vurdere ulike typar læremiddel, og utvikle profesjonsfagleg digital kompetanse
- skrive akademiske tekstar med korrekt struktur, språkføring og kjeldetilvising
- planlegge og gjennomføre nokre former for datainnsamling, til dømes observasjon og intervju
Studenten kan:
- dokumentere og evaluere barnehagens arbeid med språk, tekst og matematikk og ta på seg leiaransvar for prosjektarbeid
- utøve pedagogisk leiing i arbeidet med å inkludere og anerkjenne alle barns språklege, tekstlege og matematiske erfaringar og kunne analysere og reflektere over profesjonelle og etiske utfordringar knytt til språk, tekst og matematikk
- sjå korleis språklege, litterære og matematiske element har betydningar for leikemiljøet og for arbeid med danning, demokrati og likestilling
- kommunisere og drøfte etiske og fagleg-pedagogiske problemstillingar med personalet, føresette og eksterne samarbeidspartar
- vere aktiv i barnehagefaglege diskusjonar knytt til språk, tekst og matematikk
- meistre norsk munnleg og skriftleg bokmål og nynorsk, og kan bruke språket kvalifisert i profesjonssamanheng
Kunnskap og dugleikar i språk, tekst og matematikk vert tileigna i ein kombinasjon av å delta i aktivitetar i læringsgrupper og seminargrupper, på førelesingar og gjennom sjølvstudium. Ein vil gjennom arbeidet med kunnskapsområdet fokusere på korleis den faglege utviklinga kan tilpassast barna sine erfaringsbakgrunnar, interesser, anlegg og føresetnader, uavhengig av kjønn og kulturell bakgrunn, og sikre barns rett til medverknad. Det faglege innhaldet frå dette kunnskapsområdet skal vere ein aktiv del av praksis, mellom anna gjennom eit praksisprosjekt.
Frammøte til undervisning er obligatorisk, jf. Forskrift om opptak, studium og eksamen ved Høgskulen i Volda § 7-6
For å ta eksamen i emnet må studenten få godkjent dei arbeidskrava som er gitt i semesterplanen. Arbeidskrava kan omfatte samskriving, medstudentrettleiing, utprøving, datainnhenting og analyse. Tema kan vere høgtlesing og formidling i barnehagen, barns matematiske utvikling, prosjektarbeid om språk, tekst og matematikk i barnehagen og samanhengen mellom barnehage og skule. Informasjon om krav til form og innhald blir lagt i Canvas. For meir informasjon om arbeidskrav, sjå Forskrift om opptak, studium og eksamen ved Høgskulen i Volda § 7-7.
Sensur vert gjennomført i samsvar med Forskrift om opptak, studium og eksamen ved Høgskulen i Volda - Kapittel 10.
Vi har gjort tilsvarande endringar som for BLUSTM. Vi gjort ein del av læringsutbytteskildringane enklare å lese utan å endre innhaldet. I tillegg har vi lagt til tre LUBar: siste på kunnskap og to siste på ferdigheit i tråd med studieprogramevalueringa.
Vidare har vi skildra arbeidkrava meir generelt og oppdatert tilvising til forskrifra under overskrifta "Vilkår for å framstille seg til eksamen".
- Barnehagelærar - bachelor (deltid)
| Vurderingsform | Gruppering | Varighet | Karakterskala | Andel | Kommentar | Hjelpemidler | Omfang |
|---|---|---|---|---|---|---|---|
Skriftleg eksamen | Individuell | 6 timar | A-F, der A er best og E er siste ståkarakter | stavekontroll |