Avduking av Hans Strøm-plakat

I samband med 300-årsjubileet for Hans Strøm blir det avduking av ein plakat i Hans Strøm-huset tysdag 27. januar kl. 11.30. Reidun Aambø har utforma plakaten.

Hans Strøm og Reidun Aambø.

T.v.: Hans Strøm. Koparstikk av Johann Christoph Seehusen (1791), etter eit måleri av Peder Pedersen Aadnes. Oslo Museum, Digitalt Museum. PDM 1.0. T.h.: Reidun Aambø. Foto: Kishore Gajendra.

I 2026 er det 300 år sidan presten og folkeopplysaren Hans Strøm (1726–1797) var fødd. Jubileet blir markert med fleire arrangement rundt om i regionen, i samarbeid mellom fleire kunnskaps- og kulturinstitusjonar. Les meir om jubileet her.

Tysdag 27. januar kl. 11.30 ønskjer vi velkomen til avduking av ein plakat om Hans Strøm i Hans Strøm-huset ved Høgskulen i Volda i samband med jubileet.

Det er Reidun Aambø som har utforma plakaten med informasjon om Hans Strøm. Dette er hennar fjerde i rekkja av utstillingar om menneska bak namna på høgskulebygningane.

Plakaten blir avduka i inngangspartiet til Hans Strøm-huset – inngangen som vender mot Sivert Aarflot-huset.

Dekan Randi Bergem innleier før Reidun Aambø held eit kåseri om Hans Strøm.

Velkomen!

Sjå også:

Del på: