Pris til Sigrun Meisingset
Styret ved Høgskulen i Volda (HVO) deler kvart år ut ein pris for kvalitet i utdanninga. Prisen skal stimulere til å arbeide systematisk med kvaliteten på utdanningane og motivere dei tilsette til å bli meir opptekne av utdanningskvaliteten. Prisen i år går til førstelektor Sigrun Meisingset ved Avdeling for kulturfag.
Sigrun Meisingset får prisen mellom anna for ei studentaktiv og studentsentrert tilnærming til undervisning og stor akademisk og kunstfagleg dugleik i drama og teaterfaget.
Ein student ved dramautdanninga i Volda seier dette om Sigrun Meisingset: "I løpet av 19 år med skolegang og studier har jeg hatt over 70 lærere. De fleste har jeg glemt, men to lærere har satt ekstra dype spor. Sigrun Meisingset er en av dem."
