Frå barnehagebarn til nynorskelev – den språklege overgangen frå barnehage til skule
Ein av dei første store overgangane i livet til borna våre er steget dei tek frå å vere eit barnehagebarn til å vere elev i eit klasserom. Kva skjer med språket til barna i møte med denne nye kvardagen, og korleis møter me desse språkbrukarane på best mogleg måte?
Fagseminaret er eit samarbeid mellom Nynorsk kultursentrum, Høgskulen i Volda og Nynorsksenteret med vekt på forsking og fagleg utvikling.
Program 11:30-16:00
| 11:30 | Registrering |
| 11:45 | Velkomst |
| 12:00 | Om språk- og tekstkvardagen i barnehagen: Funn frå Multilit, ved Gudrun Kløve Juuhl. |
| 12:30 | Utdeling av Årets nynorskbrukar |
| 12:45 | Lunsj |
| 13:30 | Lurivar-klubben og nynorsk i Ørsta-barnehagane: Dalane barnehage presenterer Lurivar-klubben. Lurivar-klubben syng deretter songar frå den lokale songskatten. Ørsta Mållag, ved Ingebjørg Røyrhus Øyehaug, snakkar om deira satsing i barnehagane i kommunen. |
| 14:15 | Vesle norske leksikon: Korleis skrive for barn? Prosjektleiar Guro Djupvik fortel om korleis VNL jobbar med dette, og kva for nokre utfordringar dei ser i møte med denne målgruppa. |
| 14:45 | Kort pause |
| 15:00 | Kva skjer med språket i det nye klasserommet?: Funn frå DigiHand, med fokus på nynorsk og språklege tilhøve: Gudrun Kløve Juuhl, Eivor Finset Spilling og Wenke Mork Rogne (prosjektleiar). |
| 15:30 | Språkpolitikk for dei yngste Korleis ser språkpolitikken som gjeld dei yngste og viktigaste språkbrukarane i Noreg ut? Kva må til for at barn og unge skal bli trygge brukarar av eige språk? Åse Wetås, direktør i Språkrådet, snakkar om korleis Språkrådet arbeider med desse problemstillingane. |
| 16:00 | Avslutning |
Arrangementet er gratis