Styret i Fadderveka

Som leiar har du overblikket på planlegginga og gjennomføringa av Fadderveka. Du delegerer og koordinerer oppgåver i styret, og samarbeider tett med ei rekkje samarbeidspartar. Du er også Fadderveka sitt ansikt utad og må kunne handtere media. 

Dine arbeidsoppgåver: 

• Delta på opplæring av fadderstyre.
• Ha det overordna ansvaret for planlegging og gjennomføringa av Fadderveka innanfor de gitte rammene, og for å sikre at målet om ein sosial og inkluderande studiestart for alle studentane i Volda blir ivaretatt.
• Ansvar for framdrifta. Kalle inn til oppstartsmøte med Fadderstyret, SiVolda og Rokken så snart styret er sett. Til oppstartsmøtet skal det foreligge fastsatte rammer og tidsfrister fra HVO. Møtet skal ende opp med en møteplan for hele perioden og en arbeidsplan med tidsfrister og ansvarlig person. Koordinere og delegere arbeidsoppgåver og følgje opp styremedlemmane. Sikre at avgjerder er godt forankra i heile styret.
• Vere kontaktperson mellom Fadderstyret, Studentparlamentet, HVO og SiVolda og andre aktuelle samarbeidspartar.
• Delta i møter i kjernegruppa for studiestart ved HVO.
• Vere kontaktperson for pressa, og vere frontfigur for Fadderveka ved opplæring av faddere og på Høgskulen sin opningsseremoni og gjennom heile Fadderveka. Kommunikasjons- og marknadssjef bistår med mediaopplæring og mediastøtte i hele perioden.
• Overordna ansvarleg for økonomi og de økonomiske rammene gitt av HVO. Sørge for at rekneskap blir levert til Studentparlamentet seinast 15. oktober.
• Levere individuell evalueringsrapport til Studentparlamentet seinast 15. oktober og bidra i felles evaluering av Fadderveka.
• Vere med og rekruttere og sette fadderstyret saman med nestleder, Studentparlamentet, SiVolda og Rokken.
• Ha gjennomført fadderspelet frå sikresiden.no.

Som nestleiar avlastar du leiar, og de fordeler arbeidsoppgåver dykk imellom. Du er leiar sin stadfortredar når ho/han ikkje er til stades. Du bidreg også til eit godt arbeidsmiljø og samarbeid mellom medlemmane i styret, jobbar variert og løysingsorientert. 

Dine arbeidsoppgåver: 

• Tre inn i leiarrolla ved leiars fråver, og ha god dialog med leiar om fordelinga av arbeidsoppgåver og ansvarsområde.
• Delta på opplæring av fadderstyre.
• I samarbeid med leiar starte planlegging av Fadderveka så fort styret er sett.
• Følgje opp styremedlemmane og ta vare på eit godt arbeidsmiljø i styret.
• Skrive referat/notat frå styremøter med spesielt fokus på arbeidsoppgåver som skal gjerast.
• Ha ansvar for intern kommunikasjon i styret, følge med på fadderveka e-post og delegere etter behov, sørge for at alle har tilgang til de ulike kanalene.
• Hovudansvar for innhald i fadderposane, i samråd med fadderansvarleg og PR-ansvarleg.
• Bistå og evt. avlaste de andre styremedlemene med arbeidsoppgåver der det er behov. God fordeling og avklaring av oppgåver innad i styret er viktig for å unngå skeiv arbeidsbelastning mellom styremedlemmane.
• Levere individuell evalueringsrapport til studentparlamentet seinast 15. oktober og bidra i felles evaluering av fadderveka.
• Være med og rekruttere og sette fadderstyret saman med leiar, Studentparlamentet, SiVolda og Rokken.
• Ha gjennomført fadderspelet frå sikresiden.no.

Som Fadderansvarleg organiserer du fadrar og faddergrupper, og fylgjer opp desse før og gjennom Fadderveka. Du bidreg til eit godt og inkluderande miljø både for fadderane og for dei nye studentane som kjem til Volda. 

Dine arbeidsoppgåver: 

• Rekruttere fadrar frå flest mogleg studium, der PR-ansvarleg bistår med promo av det å vere fadder.
• Delta på opplæring av fadderstyre og fadrar.
• Rekruttering av fadderleiarar på alle avdelingane og internasjonal fadderleiar i samarbeid med SiVolda og Rokken.
• Organisering av faddergrupper, fadrar og fadderleiarar.
• Saman med Studentparlamentet og Rokken setje opp kontrakt som alle fadrar signerer.
• Sørge for at fadrane veit kva dei skal gjere og utfører arbeidsoppgåvene sine i tråd med kontrakten.
• Arrangere opplæring av nye fadrar i rolla som fadder, arbeidsoppgåver og ansvar saman med Studentparlamentet, Velferdsgruppa, Rokken, Pangaia og resten av fadderstyret.
• Vere kontaktperson for fadrane gjennom fadderveka.
• Levere individuell evalueringsrapport til Studentparlamentet seinast 15. oktober og bidra i felles evaluering av fadderveka.
• Ha gjennomført fadderspelet frå sikresiden.no.

Som arrangementsansvarleg har er di hovudoppgåve å planlegge, organisere og gjennomføre dei ulike arrangementa og programpostane i Fadderveka i samråd med resten av styret. God planlegging og organisering er viktig, så vel som ein dæsj kreativitet og wow-faktor. 

Dine arbeidsoppgåver: 

• Planlegge og organisere gjennomføringa av Fadderveka sine arrangement i tråd med Fadderveka sine rammer, målsetjingar og budsjett.
• Delta på opplæring av fadderstyre og av fadrar.
• Sjå til at det er varierte og inkluderande arrangement tilpassa ulike studentar, og at arrangementa tek høgde for universell utforming og god tilrettelegging.
• Samarbeide med Rokken, studentorganisasjonar, Velferdsgruppa, HVO, og SiVolda.
• Sørgje for trygge rammer for Fadderveka sine arrangement ved å gjennomføre ROS-analyser (risiko- og sikkerheitsanalyser) i samarbeid med HVO og SiVolda.
• Jobbe tett saman med PR ansvarleg om promotering av arrangement.
• Levere individuell evalueringsrapport til Studentparlamentet seinast 15. oktober og bidra i felles evaluering av Fadderveka.
• Ha gjennomført fadderspelet frå sikresiden.no.
• Rekruttere frivillige til å bistå i gjennomføringen av ulike arrangement ved behov.

Som PR-ansvarleg har du ansvar for promoteringa av Fadderveka gjennom eksisterande nettsider og eksisterande sosiale medium, plakatar og liknande, i samarbeid med eining for Kommunikasjon ved HVO og SiVolda.

Dine arbeidsoppgåver:

• Ha hovudansvar for promoteringa av Fadderveka gjennom eksisterande nettsider og eksisterande sosiale medium, plakatar og liknande, i samarbeid med eining for Kommunikasjon ved HVO og SiVolda. Du kan om ønskjeleg rekruttere frivillige til eit eige PR-crew, kople på fadderar, studentambassadører ved eining for Kommunikasjon og marknad ved HVO osv.
• Bistå fadderansvarleg i promotering av det å vere fadder.
• Sjå til at Studentparlamentet sin logo vert brukt på materiell som promoterer Fadderveka.
• Levere individuell evalueringsrapport til Studentparlamentet seinast 15. oktober og bidra i felles evaluering av Fadderveka.
• Ha gjennomført fadderspelet frå sikresiden.no.
• Viss ønskeleg, så er det rom for å innhente eksterne sponsorar/samarbeidspartnare ved f.eks å innhente kupongar, økonomisk støtte, andre godar for studentane ol.
• Vere til stades i Volda frå ei veke før studiestart og gjennom fadderveke-perioden.