TOD103 Teaterproduksjon 2: Moderne teater
15 stp i teaterproduksjon.
Teaterproduksjon 2 er eit emne som går djupare inn i skodespelarteknikken, med fokus på utvalde teaterfornyarar frå det 20.århundre.
Emnet tek utgangspunkt i dramaturgiske tilnærmingar i episk og absurd teater, og ser på samanhengene til dagens iscenesettjingar av skodespel frå t.d. Brecht og Ionesco.
Studentane vil jobbe med:
- Dramaturgi knytt til prosess og produkt i ulike teaterfaglege retningar.
- Skodespelarteknikk og teaterhistorie i det moderne teateret (frå 1900 og fram mot vår tid).
- Teateropplevingar.
- Teaterproduksjon.
I samsvar med det nasjonale kvalifikasjonsrammeverket har studenten følgjande læringsutbytte etter fullført emne:
Studenten
- har grunnleggjande kunnskap om fagterminologi i modernistisk skodespelarteknikk.
- har kunnskap om dramaturgiske omgrep og verkty i analysearbeid og i iscenesettjing.
- har kunnskap om teaterhistoria og skodespelarteknikken til utvalde sentrale teaterfornyarar frå det 20.århundre (fram til ca. 1960).
Studenten
- kan nyttegjere seg ulike dramaturgiske strategier i arbeid med utvalde retningar innan teatret fra det 20. århundrede.
- kan formidle sentralt fagstoff frå emnet gjennom bruk av relevante uttrykksformer.
- kan omsette fagkunnskap til å formidle ei rolle, ved bruk av ulike skodespelarteknikkar.
Studenten
- kan utveksle synspunkt og erfaringar med andre og slik medverke til utvikling av god praksis.
Undervisninga er eit samspel mellom teoretisk, praktisk og sjølvstendig arbeid, og er samansett av:
- seminar og verkstadar
- førelesingar
- praktisk undervisning
- framsyningar
- gruppearbeid
- individuelt arbeid
Det vil arrangerast obligatoriske visningar, såkalla Husteater, for eit ope publikum, i tillegg til studentdrevne morgontreningar.
I hovudproduksjonen vil læraren fungere som regissør, og studentane skal fokusere på moderne skodespelarteknikk og anna produksjonsarbeid.
Emnet inneheld 1-2 teaterframsyningar, til eigen kostnad.
- Alternativt opplegg vert tilbydd etter søknad.
Frammøtekrav:
- All undervisning er obligatorisk, og oppmøtet må vere av ei aktiv deltakande art.
Viser til Forskrift om opptak, studium og eksamen ved Høgskulen i Volda, §4-6.
Arbeidskrav:
- Eit praktisk - munnleg foredrag, individuelt eller i gruppe, om utvalde teaterfornyarar, med ei skriftleg refleksjonsdel på omlag 1000 ord.
Oppgåva vert gitt av emneansvarleg og framleggjast for medstudentar og faglærar. - Ei godkjend framsyning på Husteater, knytt til dramaturgiske tilnærmingar i episk eller absurd teater.
Sensur vert gjennomført i samsvar med Forskrift om opptak, studium og eksamen ved Høgskulen i Volda, kap.5
Emnet vert evaluert i samsvar med HVO sitt kvalitetssikringssystem.
Det vert lånt ut klassesett med manus til studentane. Manglande innlvering av manus gjer ei avgift på 200,- per manus.
- Teater og drama - årsstudium
- Teater og drama - bachelor
| Vurderingsform | Gruppering | Varighet | Karakterskala | Andel | Kommentar | Hjelpemidler | Omfang |
|---|---|---|---|---|---|---|---|
Praktisk eksamen | Individuell eller gruppe (etter avtale) | 6 Veker | A-F, der A er best og E er siste ståkarakter | 60 | Kunstnarleg scenisk framsyning for eit publikum, medstudentar, faglærar og sensor med individuell karakter | Alle | |
Heimeeksamen | Individuell | 7 Dagar | A-F, der A er best og E er siste ståkarakter | 40 | Ei vekes individuell skriftleg heimeeksamen knytt til teaterprosess og teori. | Alle | 2000 ord |