Semestre
PROGVIS Visuell programmering for lærarar
Ingen.
Emnet gir lærarar grunnleggande kompetanse i visuell programmering og algoritmisk tenking, med særleg vekt på didaktisk bruk i skulen. Studenten skal utvikle ferdigheiter i å bruke visuelle programmeringsmiljø som læringsverktøy for å stimulere kreativitet, problemløysing og tverrfagleg læring hos elevar. Emnet er praksisnært og retta mot utvikling av eigen undervisning.
I samsvar med det nasjonale kvalifikasjonsrammeverket har studenten følgjande læringsutbytte etter fullført emne:
Studenten har:
- kunnskap om sentrale omgrep og konsept innan visuell programmering
- kunnskap om strukturen til algoritmar og program i visuell programmering
- innsikt i korleis visuell programmering kan støtte utvikling av grunnleggande ferdigheiter og opplæringas verdigrunnlag hos elevar
- forståing for overgang mellom visuell og tekstbasert programmering
- kunnskap om didaktiske modellar for bruk av programmering i undervisning
- gjere greie for algoritmisk tenking (computational thinking) relatert til undervisning.
Studenten kan:
- Utforme og strukturere algoritmar og program med løkker, variablar, kontrollstrukturar og funksjonar ved hjelp av visuelle programmeringsmiljø
- anvende utviklingsmetodar for å effektivisere og forbetre kode
- utvikle og tilpasse visuelle program knytt til eigen undervisning
- planleggje, gjennomføre, og evaluere undervisningsopplegg med visuell programmering
- vurdere og rettleie elevar som nyttar visuelle programmeringsmiljø.
Studenten kan:
- reflektere kritisk over eigen praksis og bruk av programmering i undervisning
- samarbeide om utvikling av programmeringsopplegg
- bidra til innovativ bruk av digitale verktøy i skulen
- vurdere etiske og pedagogiske aspekt ved bruk av teknologi i læring.
Studiet er organisert som eit nettstudium. Arbeidsmåtar som vert nytta er til dømes: videoressursar, praktiske øvingar, prosjektarbeid, refleksjonsnotat, erfaringsdeling og rettleiing frå faglærar.
Arbeidskrav:
For å kunne gå opp til eksamen i emnet må studenten ha levert og fått godkjent alle arbeidskrav innan fastsette fristar. Det er 3 arbeidskrav i emnet og desse vert spesifisert i semesterplanen.
Sensur vert gjennomført i samsvar med Forskrift om opptak,studium og eksamen ved Høgskulen i Volda § 7-7.
- Visuell programmering for lærarar - vidareutdanning
| Vurderingsform | Gruppering | Varighet | Karakterskala | Andel | Kommentar | Hjelpemidler | Omfang |
|---|---|---|---|---|---|---|---|
Mappeeksamen | Individuell | Stått eller ikkje stått | 100 |