NOIN101 Norsk språk, samfunn og høgskulekultur – ei innføring
Søkjarane må fylle krav til opptak ved universitet og høgskular. Studiet stiller ikkje krav til kunnskapar i Norsk.
Studiet er for internasjonale studentar som er i Erasmus utvekslingsprogram. Emnet vil gi studentane ei kort innføring i det norske samfunnet og det norske språket. Dei vil også få ei kort innføring i akademisk skriving. Målet er at studiet skal støtte og hjelpe studentane å tilpasse seg den norske høgskuleverda.
-
Etter å ha fullført dette emnet skal studentane ha:
- kunnskap om nokre hovudlinjer i norsk historie, geografi og samfunnsliv
- kunnskap om nokre trekk ved norsk mentalitet og kultur
- noko kunnskap om grunnleggande norsk på nynorsk
- kunnskap om krav til akademiske tekstar og studentrolla i Noreg
Etter å ha fullført dette emnet skal studentane kunne:
- kommunisere på enkelt norsk daglegspråk
- skrive akademiske tekstar
Etter å ha fullført dette emnet skal studentane:
- kjenne til viktige trekk ved det norske samfunnet slik at dei er kjende med kva forventningar ein har til studentar på norske høgskular
Undervisingsforma vil vere dominert av dialogbaserte førelesingar, gruppearbeid og presentasjonar. Undervisingsspråket er engelsk. I løpet av studiet skal studentane skrive ei tekst på engelsk, i tråd med krava til akademisk skriving. Studentane vil få rettleiing undervegs i skrivinga, og den endelige teksta vert innlevert til eksamen.Det er obligatorisk frammøte jf. Forskrift om studium ved Høgskulen i Volda.
I løpet av studiet skal kvar einskild student ha oppfylt følgjande arbeidskrav:
- Ei individuell, skriftleg tekst på om lag 1000 ord med obligatorisk, individuell rettleiing
- Ein munnleg presentasjon på norsk i grupper
Emnet vert evaluert i samsvar med Forskrift om studium og eksamen ved Høgskulen i Volda.
| Vurderingsform | Gruppering | Varighet | Karakterskala | Andel | Kommentar | Hjelpemidler | Omfang |
|---|---|---|---|---|---|---|---|
Oppgave | Individuell | Stått eller ikkje stått | Om lag 1000 ord på engelsk l |