Semestre

BLUNHR Natur, helse og rørsle

Emnekode: 
BLUNHR
Varighet: 
2 semester
Studiepoeng: 
20
Studienivå: 
Bachelor (grunnivå)
Undervisningssemester: 
2026 Haust
2027 Vår
Eksamenssemester: 
2027 Vår
Undervisningsspråk: 
Norsk
Krav til forkunnskapar

Ingen

Om emnet

Emnet skal gi studentane kunnskap og ferdigheiter i å leggje til rette for utforskande aktivitetar med barn i naturen, drive førebyggjande helsearbeid, planleggje og lage sunne måltid, samt møte barnas behov for omsorg, fysisk aktivitet, meistring og rørsleglede. Emnet omfattar sentrale tema som livsmeistring, helse og berekraftig utvikling, og legg vekt på praktisk og didaktisk arbeid i barnehagen.

 

Læringsutbytte

I samsvar med det nasjonale kvalifikasjonsrammeverket har studenten følgjande læringsutbytte etter fullført emne:

Kunnskapar

Studenten skal:

  • ha kunnskap om dei nasjonale anbefalingane om fysisk aktivitet, mat og måltider i barnehagen, og kunne drøfte desse i lys av barnehagepraksis 
  • ha kunnskap om fysisk aktivitet, kosthald og ernæring blant norske barnehagebarn, samt om matintoleranse, allergi, astma og inneklima 
  • ha grunnleggjande innsikt i naturvitskaplege fenomen og kunne forklare samanhengar mellom biologisk mangfald, økologi, miljøproblem og berekraftig utvikling 
  • ha didaktisk kunnskap om korleis legge til rette for kroppsleg leik, læring og utforskning 
  • ha kunnskap om betydninga av kroppsleg leik og korleis barn gjennom kropp, sansar og varierte læringsmiljø lærer om verda og forstår seg sjølve 
  • ha grunnleggande kunnskap om menneskekroppen og barns fysiske og motoriske utvikling 
Ferdigheiter

Studenten skal:

  • kunne reflektere over eigne verdiar og haldningar til mat og helse, vurdere myter og fakta om kosthald, og stimulere til ein sunn profil i barnehagen 
  • kunne reflektere over korleis praktisk arbeid på kjøkkenet kan påverke arbeidet med mat og måltid i barnehagen, og fremje måltidsglede, smaksutvikling, deltaking, samtalar, fellesskapskjensle og innsikt i matens veg frå jord til bord 
  • kunne identifisere og namnsette eit representativt utval av planter og dyr i norsk natur 
  • kunne planlegge og gjennomføre og vurdere aktivitetar i ulike miljø og årstider, inkludert  samisk kultur 
  • kunne planleggje og gjennomføre enkle eksperiment og leik som stimulerer til undring og utforsking av naturen sitt mangfald, naturfenomen og kvardagsteknologi 
  • kunne reflektere kring moglegheiter i nærmiljøet og nytte naturen som ein arena for friluftsliv, leik, undring, utforsking og læring 
  • kunne utføre førstehjelp og hjarte- og lungeredning (HLR) 
Generell kompetanse

Studenten skal:

  • kunne gjere vurderingar kring tiltak som ivaretek eiga og barns helse og sikkerheit i barnehagen, og vurdere moglegheitene i nærmiljøet for rørsle gjennom leik og naturfagleg utforsking saman med barn 
  • kunne analysere og vurdere mat og måltidsgjennomføring si rolle i barnehagen som pedagogisk og sosial arena
  • kunne utøve ein praksis som fremjar livsmeistring, folkehelse og berekraftig utvikling i barnehagen
Praktisk organisering og arbeidsmåtar

Undervisninga i kunnskapsområdet er i stor grad praktisk retta. Undervisninga vil variere mellom førelesingar, seminar, prosjektarbeid, gruppe- og individuelt arbeid, ekskursjonar, praktisk arbeid på kjøkken, aktivitetar i nærmiljø, på banar og i sal.

I samband med temaarbeidet «Barn og snø» skal vi til snø-sikkert område. Studentane må ha skiutstyr. I tilfelle lite snø vil det bli gjennomført alternativt opplegg. 

I samband med «Fleirkulturell veke» (2. sem), i samarbeid med kunnskapsområda SRLE og BULL, arrangerer NHR samisk dag.

Ein nyttar i hovudsak Canvas til innleveringar og kommunikasjon mellom studentar og faglærarar.

Vilkår for å framstille seg til eksamen

Frammøtekrav:

Det er obligatorisk frammøte og aktiv deltaking i BLUNHR: Krav til frammøte er slik det går fram av høgskulen sitt frammøtereglement jf. Forskrift om opptak, studium og eksamen ved Høgskulen i Volda § 7-6

Arbeidskrav:

  • Godkjent to digitale artsprøvar
  • Godkjent individuelt skriftleg arbeidskrav etter praksis
  • Godkjent innlevering og seminarpresentasjon i grupper om ein naturfagleg aktivitet i barnehagen
  • Godkjent seminarpresentasjon i grupper om helsefremmande arbeid i barnehagen
  • Godkjent praktisk metodisk oppgåve (PMO) i mindre grupper

Viser til Forskrift om studium og eksamen ved Høgskulen i Volda § 7-7.

Sensorordning

Sensur vert gjennomført i samsvar med Forskrift om opptak, studium og eksamen ved Høgskulen i Volda - Kapittel 10.

Evaluering og kvalitetssikring

Emnet vert evaluert i samsvar med HVO sitt kvalitetssystem.

Maksimumstal: 
100
Emneansvarleg: 
Mailinn Corrado-Knutsen
Jan Håkon Vikane
Materialavgift

Studentane betaler ei materialavgift på kr. 150,- til innkjøp av fellesmateriale, mat og utstyr. I tillegg må studentane rekne utgifter til transport, mat og utstyr/ingrediensar i samband med ekskursjonar og arbeidskrav.

Emnet inngår i følgande studieprogram
  • Barnehagelærar - bachelor
VurderingsformGrupperingVarighetKarakterskalaAndelKommentarHjelpemidlerOmfang
Munnleg eksamen
Individuell
A-F, der A er best og E er siste ståkarakter
100
Ingen
Annen vurderingsform, definer i kommentarfelt
Individuell
Stått eller ikkje stått
Gjennomføring og godkjenning av deltaking på vinterkurset "Barn og snø". Vurderingsgrunnlag: aktiv deltaking på kurset, førebuing og etterarbeid.
Annen vurderingsform, definer i kommentarfelt
Individuell
Stått eller ikkje stått
Gjennomføring og godkjenning av førstehjelpskurs med HLR - hjerte, lungeredning. Vurderingsgrunnlag: 100% aktiv deltaking på kurset.
Godkjent av: 
Silje Ims Lied