VEKA 2024

Den tradisjonsrike studentveka i Volda har vore eit fast innslag i studiebygda sidan 1985, med eit rikt program av kulturarrangement og opplevingar for livet. Festivalen er arrangert av Studentsamfunnet i Volda, i tett samarbeid med Studenthuset Rokken, Studentsamskipnaden og Høgskulen i Volda.

Årets festival pangstartar laurdag 10. februar med premieren på vekerevyen, og varer til 24. februar. Du kan sjå fram til to veker fulle av godbitar, mellom anna kviss, ølsmaking, songkonkurranse og konsertar med dei kjende artistane Moyka, Delara og Metteson. Sjekk heile programmet og kjøp billettar på veka.no.