Anders Aanes

Fagområde

Eg er språkvitar med lang fartstid frå museumsorganisasjonen Nynorsk kultursentrum (2008-2020). I tillegg har eg arbeidd ein periode som lokalavisjournalist.

Eg har særleg interesse for retorikk, diskursanalyse, nynorsk skriftkultur, nyare språkhistorie, språknormer og språksosiologi. 

Frå 2019 til 2022 var eg engasjert i forskingsprosjektet Fogderifylket Møre og Romsdal – eit forestilt fellesskap? Identitet i eit grenseland. 

Frå 2015 til 2018 var eg involvert i forskingsprosjektet Museum som minnepolitiske institusjonar, med støtte frå Kulturrådet. Eg granska då vilkåra for forsking i musea kring Bjørnsonåret 2010, og publiserte ein artikkel i boka Forfattarens skrifstader. Litterære museum i norsk minnepolitikk (red. Ottar Grepstad 2018) saman med Stein Arnold Hevrøy. 

Eg er emneansvarleg for NO112S/NO102N Språket som kultur, der eg underviser i sosiolingvistikk, pragmatikk og tekstteori. Eg underviser dessutan i morfologi og semantikk i haustemnet NO111S/NO101N Språket som struktur. 

English:

Anders Aanes: Lecturer and PhD candidate in Norwegian/Nordic linguistics at Volda University College since 2020. My academic/research interests include rhetoric, discourse analysis, Nynorsk written culture, modern language history, language norms, and sociolinguistics. 

My PhD project is focused on rhetorical strategies in the Nynorsk language movement in the late 1960s and 1970s. 

I have a background in journalism as well as extensive organizational experience from the museum Nynorsk kultursentrum (2008–2020). Moreover, I have participated in research projects on regional identity and the role of museums in cultural memory.

Currently, I teach sociolinguistics, pragmatics, rhetoric, morphology and semantics, primarily on the Norwegian (Nordic) year course.

Utdanning og kurs

2002/2003: Årsstudium i norsk (nordisk), Høgskulen i Volda
2003-2005: Bachelor i journalistikk, spesialisering i avis, Høgskulen i Volda
2006-2010: Mastergraden i nynorsk skriftkultur. Masteroppgåve: Forvirring eller frigjering? Didaktikk og valfridom i nynorsk. Ei gransking av kjennskap og haldningar til valfridom ved fire vidaregåande skular i Møre og Romsdal (rettleiar Helge Sandøy)

2023: HPE207 Pedagogisk basiskompetanse, Høgskulen i Volda
2024: HPE210 Engelsk for akademiske formål
2025: HPE206 Rettleiing for mastergradsstudentar
2025: DRUSK901 Utdanning, språk og kultur (profilemne for ph.d.-utdanning HVO)

Doktorgradsprosjekt/ph.d.

I ph.d.-prosjektet mitt ser eg nærare på folkemålslinja/dialektlinja i målrørsla, primært på slutten av 1960- og 1970-talet, og undersøkjer retoriske vilkår og strategiar i denne brytningstida då dialektar vart vektlagde i endå større grad i argumentasjonen for nynorsk. Sjølv om dialektane har vore fundamentet for nynorsken heile vegen, er det rimeleg å seie at det i den aktuelle tidsperioden utvikla seg ein talemålsideologi som endra nynorskdiskursen og måten ein argumenterte for nynorsk. 

Rettleiar for prosjektet er Gudrun Kløve Juuhl (HVO). Medrettleiar er Eli Bjørhusdal (HVL).  

Verv

Eg sit i styret i Forskerforbundet ved Høgskulen i Volda.

Tidlegare verv

I perioden 2021-2023 var eg seksjonsleiar for Ivar Aasen-seksjonen for språk, litteratur og kultur. I same perioden var eg studieprogramansvarleg for Bachelor i språk og litteratur.