Videoar frå bachelorkonsertar på Rokken
Heile femten studentar ved bachelorstudiet i musikk ved HVO er i desse dagar i ferd med å avvikle eksamenskonsertane sine. Spennvidda er stor: 70-tals pop og funk, jazz standardlåtar og argentinsk tango til Mozart og mjuke salmetonar. Sjå video.
Med tittelen "Maestro, spel ein tango" kunne trekkspelaren Morten Bollerud by på tangomusikalsk lidenskap og melankoli til ein godt besøkt konsert på Rokken den 25. mai. Med autoritet og vidd trylla han fram gamle tangoperler, banebrytande stykke av Astor Piazzolla og moderne "groovy" tango fusion av Gotan Project.
Mattis Moviken avslutta konsertkvelden på Rokken 25. mai med konserten "An Evening with Mezzo Forte". Denne konserten vart ein hyllest til det islandske bandet.
Les meir om bachelorkonsertane her.
