Verda i Volda
Startsskotet for internasjonal veke har gått og den første gruppa med internasjonale gjestar har gjort sitt inntog til studentbygda. Dei likar det dei ser.
Dei internasjonale gjestane er imponerte over Høgskulen i Volda, fasilitetane, tilboda og miljøet. Dei ser fram til ei spanande kulturell veke i Volda og omegn. I ettermiddag skal dei besøke Kulturnæringshagen og animasjonsmuseet. I morgon er det Internasjonal dag og dei gler seg til å få presentere sine institusjonar for studentar og tilsette. Torsdag blir det tur ut i øyane, der dei m.a. får stifte nærare kjennskap med den maritime klynga gjennom besøk til Ulstein verft. Sjølvsagt blir det tid til å planlegge nye og interessante samarbeidsprosjekt og dele tankar om student- og lærarutveksling.
Internasjonal dag er open for alle så finn gjerne turen til kantina Berte Kanutte i morgon i tidsrommet 11.15 - 14.30.
