Søkje velferdsmidlar?
Studentråd, lag og organisasjonar som er knytte til Høgskulen i Volda, kan søkje om økonomisk støtte til drift eller gjennomføring av prosjekt/tiltak. SfS deler to gongar i året ut slike midlar: 1. februar og 1. oktober.
SfS vert styrt av studentane. Alt vi tener kjem studentane til gode her og no - eller i framtida. Studentsamskipnaden deler inn overføringane til lag og organisasjonar i 2 kategoriar.
Kategori 1:
Inntil 1/3 av det budsjetterte beløpet vert direkte overført styra i studentråd/studentlag.
Kategori 2:
Det resterande beløpet vert avsett til støtte til lag og organisasjonar og til ulike prosjekt/tiltak i regi av desse.
Når det gjeld kategori 1 får kvart studentrådsstyre og studentlagsstyre overført ein lik sum til drift, administrasjon og arrangement. Det er ein føresetnad at styret legg fram årsmelding og rekneskap med balanse/resultat og med kommentarar. Studentråd/studentlagsstyre står fritt til å søkje om kategori 2-midlar i tillegg til kategori 1-midlar.
Du finn meir informasjon og søknadsskjema på www.studentsamskipnaden.no
