Nyttig informasjon til deg som student
Som framtidig student har du sikkert mange spørsmål om det å vere student i Volda. Til deg har vi samla mykje informasjon på nettsidene våre.
På sida studiestart finn du blant anna kart over og informasjon om campus. Det er også laga ei oversikt over kontaktpersonar og praktisk informasjon relatert til kvart studium. I tillegg er det lagt ut ei liste over ofte stilte spørsmål.
Studentar svarar på spørsmål
Haakon, Ane og Karoline (på bilete) er noverande og tidlegare studentar som i heile sommar svarer på spørsmål frå komande studentar. Trioen utgjer Søk-korpset, som er ei studentrettleiingsteneste som kan gi informasjon om studietilbod, fritid, bustad eller andre saker som gjeld studentlivet i Volda.
Kontaktinformasjon til dei finn du også på sida studiestart.
