Lunsjseminar ved lærarutdanningane
For tredje semester på rad arrangerer avdeling for humanistiske fag og lærarutdanning lunsjseminar. Seminaret er leia av professor Lars Inge Terum.
Vårens første lunsjseminar finn stad kommande torsdag, og har tittelen: "Vilkår for god lærarutdanning".
Denne gongen får vi besøk av Elaine Munthe som er professor i pedagogikk, med studiar av lærarutdanning som eit spesialfelt. Ho har leia følgegruppa for grunnskulelærarreforma og til dagleg er Munthe dekan ved Det humanistiske fakultet, ved Universitetet i Stavanger. Munthe er òg leiar for styret til det nye programmet for utdanningsforskning i Norges forskningsråd.
Ho vil innleie seminaret, og rektor Per Halse vil gje ein kommentar. Debatten vert leia av Lars Inge Terum.
Dette vert eit interessant innspel i diskusjonen rundt organisering av lærarutdanningane, og vi ønskjer alle velkomen til eit spennande seminar.
Torsdag 20. februar 2014
Kl. 13.30–15.00
Rom: BK 159
