Laurdagskonsertar i Volda kyrkje
No har haustsesongen for 12-konsertane i Volda kyrkje teke til. Dette er halvtimes lange konsertar laurdag føremiddag med stor variasjon når det gjeld utøvarar og repertoar. Fyrstkomande laurdag blir det musikk for song og piano/orgel med Ragnhild Engeset og Bert Handrick.
Musikarane vil framføre musikk frå 1600-talet av komponisten Henry Purcell og musikk frå 1940-talet av ein annan engelskmann, Benjamin Britten.
Det blir også tysk seinromantikk med songar av Max Reger og Richard Strauss.
Ragnhild Engeset (mezzosopran) underviser i musikk ved Avdeling for kulturfag. Bert Handrick (piano/orgel) er kantor i Volda kyrkje.
Volda kyrkje
Laurdag 18.09 kl. 12.00-12.30
Kollekt til kyrkjemusikalsk arbeid ved utgangen
