Møt oss!
Er du nysgjerrig på Høgskulen i Volda og kva studietilbod vi har? Ønsker du å vite meir om studiebygda Volda, om campus, fritidstilbod og korleis det er å vere student på Sunnmøre? Gjennom heile hausten og vinteren kan du møte oss ansikt til ansikt på ulike arrangement og messer.
I januar og februar kan du slå av ein prat med oss på skulebesøk på Nordvestlandet, samt utdanningsmesser i fem byar. På vårparten kan du også sjekke ut webinara våre.
Utdanningsmesser i dei største byane
I januar og februar 2026 kan du møte studentar frå Høgskulen i Volda på utdanningsmesser rundt om i landet.
Studentambassadørane våre er ekspertar på sine utdanningar og veit alt om korleis det er å vere student i studiebygda Volda. Dei deler gjerne erfaringar og svarar på alt du lurer på!
Her treff du oss:
Skulebesøk i Møre og Romsdal og Vestland
Vi kjem på besøk til skulen din! I februar kan du møte oss når vi reiser rundt til vidaregåande skular og folkehøgskular i Møre og Romsdal og Vestland. Studentar frå Høgskulen i Volda blir med og fortel om studietilbodet vårt og livet i studiebygda Volda. Du får høve til å stille alle spørsmåla du måtte ha!
Programmet er ikkje klart enno – men vi gler oss til å treffe deg!
Sjekk oss ut på mobilen din!
Følg oss på Instagram for oppdateringar frå studiebygda gjennom heile året. Her kan du bli betre kjend med studentane våre og studietilboda vi har, sjå kva studentane i Volda gjer på fritida, og lære meir om campuslivet.
Sjekk gjerne innom kanalane våre på YouTube, TikTok og Facebook også.
Velkommen til Volda!
Eit unikt studentmiljø og solide utdanningar er svært gode grunnar for å studere i ei bygd på Sunnmøre. Legg du til at det er billeg å bu, internasjonalt miljø og korte avstandar på og rundt campus, så kan kanskje Høgskulen i Volda vere noko for deg?