Konferanse: Nynorsk på nye måtar (Bergen)

Ønsker du fagleg påfyll til hausten? Torsdag 25.–fredag 26. september inviterer Nynorsksenteret og MultiLit-prosjektet til nasjonal konferanse i Bergen. Målgruppa for konferansen er lærarar, lærarutdannarar, lærarstudentar og andre som er interesserte i god nynorskopplæring.

Nokre av dei profilerte deltakarane på konferansen (f.v.): Åse Wetås, direktør i Språkrådet (foto: Oda Hveem), Øystein A. Vangsnes, prosjektleiar for MultiLit (foto: privat), forfattar Anders Totland (foto: Helge Skodvin) og forfattar Monica Goksøyr (foto: Oda Berby).

Programmet gir deg fersk forsking på språkkompetansen til elevane, og inspirasjon til korleis ein kan drive forskingsbasert og motiverande nynorskopplæring. Du får også møte forfattarar som har skrive nynorske bøker som eignar seg godt i klasseromma. Jobbar du i barneskule, ungdomsskule eller vidaregåande? Underviser du i nynorsk som hovudmål eller sidemål? Her finn du noko som passar for deg.

Konferanseprogrammet har mellom anna bidrag av fleire fagpersonar frå både Høgskulen i Volda og Nynorsksenteret.

Les meir og sjå heile programmet for konferansen på nynorsksenteret.no.
Meld deg på konferansen innan 1. september 2025 her (letsreg.com).
Arrangørane anbefaler tinging av hotellrom før 25. juni – sjå praktisk informasjon nedst på konferansesida.