Fagdag: Tarjei Vesaas 125 år. Seks blikk på ein forfattarskap
I 2022 er det 125 år sidan Tarjei Vesaas (1897-1970) blei fødd. Han var ein av dei viktigaste forfattarane i Norden, og blei i 1964 den første norske forfattaren som fekk Nordisk råds litteraturpris. Nynorsk kultursentrum og Høgskulen i Volda markerer Tarjei Vesaas-året med fagdagen Tarjei Vesaas 125 år: Seks blikk på ein forfattarskap måndag 13. juni i etterkant av Festspela.
Fagdagen går føre seg måndag 13. juni kl. 9.00-16.00 på Høgskulen i Volda i Berte Kanutte-huset, store auditorium. Det er mogleg å følgje fagdagen både fysisk på Høgskulen i Volda og på nettet. Fagdagen er gratis, og du kan melde deg på fagdagen her på sida. Påmeldingsfristen er 8. juni 2022.
På nynorsk.no finn du meir informasjon om Festspela 9-12. juni og høve til å kjøpe festivalpass og billettar til festivalen.
Nynorsk kultursentrum og samarbeidspartnarar vil markere forfattarskapen og Tarjei Vesaas-året 2022 med støtte frå Kulturrådet, Vinje kommune og Bergenstiftelsen.
Tarjei Vesaas 125 år:
Seks blikk på ein forfattarskap
Fagdag om litteraturen og forfattarskapen til Tarjei Vesaas
Program
| 9.00 | Registrering, kaffi og noko lite å bite i |
| 9.15 | Velkomst ved programleiaren Opningshelsingar ved Per Halse, prodekan og professor ved Høgskulen i Volda, og Per Magnus Finnanger Sandsmark, direktør i Nynorsk kultursentrum |
| 9.30 | Jan Inge Sørbø: I ansvars naud. Om etikken i Tarjei Vesaas litteratur |
| 10.15 | Kort pause |
| 10.30 | Inga Henriette Undheim: Visjonar ifrå djupaste dæld. Frå "Draumkvedet" til Brannen (1961) |
| 11.15 | Lunsj |
| 12.00 | Narve Fulsås: Den lange vegen til verda. Tarjei Vesaas' internasjonale publiseringshistorie etter krigen |
| 13.00 | Per Esben Myren-Svelstad: Tett ved jordi. Pastoral homoerotikk i odelsromanen Det store spelet (1934) |
| 13.45 | Kort pause |
| 14.00 | Lisbeth Pettersen Wærp: Eksistens og eksperiment – Båten om kvelden (1968) |
| 15.00 | Magnar Åm: fugleskrift Om å tonesetje Vesaas. Med musikk frå Volda Vokal. |
| 15.45 | Avslutning |