Disputas: Anne Natvig
Fredag 27. oktober forsvarer Anne Natvig ph.d.-avhandlinga Fragmented professionalism: Journalism culture in Cuban state media ved Universitetet i Oslo.
Anne Natvig er tidlegare stipendiat ved Avdeling for mediefag på Høgskulen i Volda og har hatt eit doktorgradsløp gjennom Universitetet i Oslo (UiO).
I avhandlinga Fragmented professionalism: Journalism culture in Cuban state media har Natvig forska på korleis det er å jobbe som journalist i eit autoritært land. Ho har intervjua journalistar i statsmedia på Cuba og undersøkt korleis utydelege reglar knytte til kva kommunistpartiet godtek i media, fører til omfattande sjølvsensur og frustrasjon blant journalistane.
Temaet for prøveforelesinga hennar er «Normative theories of journalism and the study of non-democratic contexts».
På nettstaden til UiO står det meir informasjon (på engelsk). Der kan du også sjå prøveforelesinga i opptak og disputasen live.