Emnet gir studentane kunnskap om utvikling av lokalsamfunn og regionar gjennom planlegging som strategisk verktøy. Det legg vekt på å forstå planlegging som ein kompleks og tverrfagleg prosess, der ulike aktørar, interesser og perspektiv må balanserast.

Studentane får erfaring med å identifisere, analysere og formidle samansette planutfordringar, og utviklar ferdigheiter i å presentere desse på ein fagleg og forståeleg måte.

Emnet går i djupna på kollaborative planleggingsperspektiv, og gir eit teoretisk og praktisk grunnlag for kritisk vurdering av plan- og utviklingsprosessar.

Emnet er eigna både for nyutdanna bachelorstudentar og for yrkesaktive som ønskjer kompetanse på masternivå. Emnet er eit obligatorisk emne i mastergraden i samfunnsplanlegging og leiing, men kan også takast som eit sjølvstendig vidareutdanningsemne.