Semesters
PPUD-PED2 Pedagogikk 2
Pedagogikk 2 (PPUD–PED2) byggjer på Pedagogikk 1 (PPUD–PED1). Innhaldet i emnet er strukturert i fire modular:
- Inkludering og spesialpedagogikk
- Sosialisering og oppvekst
- Skulen og samfunnet
- Læraren som profesjonsutøver
I tillegg til desse fire modulane, er vurdering, tilpassa opplæring og elevkunnskap gjennomgåande tema i heile emnet. Studiet i pedagogikk skal bidra til at studentane tileignar seg kunnskap om og ferdigheiter i kompetanseområda i Forskrift om rammeplan for praktisk-pedagogisk utdanning (2015) og Nasjonale retningslinjer for praktisk pedagogisk utdanning - allmennfag (2017). Dette skal skje i samarbeid med fagdidaktikk og praksisfelt.
I samsvar med det nasjonale kvalifikasjonsrammeverket har studenten følgjande læringsutbytte etter fullført emne:
Kandidaten
- har kunnskap om samanhengar mellom individuelle, sosiale og kulturelle faktorar i arbeidet med tilpassa og inkluderande opplæring
- har kunnskap om mangfaldet i elevgruppa sine lære- og utviklingsføresetnader
- har kunnskap om betydninga av samarbeid med føresette og øvrige samarbeidsinstansar for skuleverket
- har innsikt i teoretiske perspektiv på danning, utvikling og læring
- har kunnskap om barne- og ungdomskultur, og barn og ungdom si utvikling og læring i ulike sosiale og fleirkulturelle kontekstar, herunder samisk kultur
- har kunnskap om faktorar som bidreg til bekymringsfullt skulefråvær og fråfall
- kjenner sentrale styringsdokument for skulen si verksemd, inklusiv lov og planverk med relevans for skulen
- har kunnskap om lærarprofesjonalitet og yrkesetiske utfordringar
- har kunnskap om forskings- og utviklingsarbeid med relevans for lærarprofesjonen
- har kunnskap om barn og unge i vanskelege livssituasjonar, herunder kunnskap om vald og seksuelle overgrep mot barn og unge, om deira rettigheiter i eit nasjonalt og internasjonalt perspektiv, og om korleis sette i gang nødvendige tiltak etter gjeldande lovverk
- har inngående kunnskap om samanhengar mellom samfunnsutvikling, utdanningspolitikk og skulen si rolle i samfunnet
Kandidaten
- kan arbeide proaktivt og systematisk med å byggje eit inkluderande fellesskap som fremjar livsmestring og læring for alle
- kan bygge relasjonar, kommunisere og samarbeide med elevar, føresette, kollegaer og øvrige samarbeidsinstansar
- kan identifisere særskilte behov hos barn og unge, inkludert teikn på vald, rus eller seksuelle overgrep. På bakgrunn av faglege vurderingar etablere samarbeid med aktuelle tverrfaglege partnarar til barne sitt beste
- kan bruke og vise til relevant pedagogisk teori og forsking for å treffe grunngjevne val og gjennomføre systematisk fagleg utviklingsarbeid
Kandidaten
- kan analysere eigne behov for kompetanseheving og ha endrings- og utviklingskompetanse
- kan formidle pedagogiske problemstillingar på et avansert nivå
- kan orientere seg i faglitteraturen og stille seg kritisk til informasjonskjelder og eksisterande teori med relevans for lærarprofesjonen
- kan reise problemstillingar, undersøke og drøfte desse gjennom teoretisk og empirisk kunnskap og medverke til utvikling og endring av eigen praksis
- kan utvikle profesjonsetisk haldning og handle etisk forsvarleg i møte med alle elevar, føresette, kollegaer og andre samarbeidspartnarar
Emnet er ein del av eit nett- og samlingsbasert deltidsstudium som går over fire semester.
Arbeidsformene i studiet er ein kombinasjon av forelesingar, gruppearbeid, presentasjon av studentane sitt arbeid i plenum, sjølvstudium, rettleia utviklingsprosjekt og dialog i plenum. Gjennom studiet vert det lagt vekt på at kompetanse blir danna gjennom både teoretiske studie og refleksjon over eigen praksis. Læringsutbyttet vert derfor eit resultat av studenten sin eigeninnsats gjennom studie av litteratur, deltaking i undervising, diskusjon og refleksjon i gruppe eller i plenum over relevante problemstillingar. Studentane vil bli organisert i faste læringsgrupper som vert nytta gjennom året. Samansetjing av gruppene blir bestemt av emneansvarleg.
Studentane må ha tilgang til eigna utstyr for å delta i digital undervisning med PC med netttilgang samt kamera, høgtalar/headset og mikrofon.
For å framstille seg til eksamen må følgjande vere oppfylt:
- Minimum 80% frammøte
- Alle arbeidskrav godkjende
- PPUD–PED1 må vere bestått
- Begge praksisemna godkjent før 1.mai
Frammøte
Det er obligatorisk frammøte til all undervisning og arbeid i grupper og seminar på studiet dersom ikkje anna er opplyst. Det visast elles til Forskrift om opptak, studium og eksamen ved Høgskulen i Volda § 7-6, om frammøte/deltaking i undervisninga.
Arbeidskrav
- Prosjektplan knytt til semesteroppgåve, 1500-2000 ord.
- Munnleg presentasjon av semesteroppgåve.
- Arbeidskrav knytt til modulen Skulen og samfunnet eller Læraren som profesjonsutøvar.
Arbeidskrava som ikkje er knytt til semesteroppgåva kan ha ulike former som t.d. munnleg framlegg i læringsgruppa, nettbasert arbeid i læringsgruppa, kort videopresentasjon, refleksjonsnotat (400-500 ord) og omvendt undervisning. Emneansvarleg skal organisere dette. Det kan bli lagt opp til at studentane gir tilbakemelding til kvarandre i nokre av arbeidskrava.
Hensikta med arbeidskrava er å dokumentere forståing av dei pedagogikkfaglege tema, og å få praktisk trening i skriftleg og munnleg framstilling, digitale ferdigheiter, kollegarettleiing, vurdering, og undervisningsplanlegging.
Arbeidskrav vert vurdert med godkjent/ikkje godkjent.
Sensur vert gjennomført i samsvar med Forskrift om opptak, studium og eksamen ved Høgskulen i Volda - Kapittel 10.
- Professional Teacher Qualification
| Vurderingsform | Gruppering | Varighet | Karakterskala | Andel | Kommentar | Hjelpemidler | Omfang |
|---|---|---|---|---|---|---|---|
Assignment | Individual | Semesters | A-F, A is the best grade and E is the lowest passing grade | 40 | Semesteroppgåve. Studenten vel sjølv problemstilling for oppgåva innanfor det som er innhaldet/pensum i emnet. | 4000 ord (+/- 10%) | |
Oral examination | Individual | 30 Minutes | A-F, A is the best grade and E is the lowest passing grade | 60 |