Semesters
KOH3-110 Leire i skulen
Ingen.
Emnet er eitt av to emne i studieprogrammet Leire og tekstil i skulen - vidareutdanning. Studiet skal vidareutvikle studenten som utøvar i, og formidlar av, skulefaget Kunst og handverk. Studiet har som mål å utvikle studenten si forståing for tverrfagleg arbeid og naturnære praksisar.
Gjennom øving av teknikkar, praktisk utforsking og problemløysing, skal studenten utvikle materialforståing og handlag innan materialområdet leire. Bruk og gjenbruk av materialar gjev grunnlag for å utvikle ein etisk og miljømedviten undervisningspraksis. Studiet skal førebu studenten i å leie elevane i ulike utforskande prosessar, og gi verkstadkompetanse. Kopling til studenten sitt nærmiljø vil gjere praksisen i emnet samfunnsrelevant. Gjeldande læreplanar, fagteori, fagdidaktikk og praksis vil danne refleksjonsgrunnlag i studiet.
I samsvar med det nasjonale kvalifikasjonsrammeverket har studenten følgende læringsutbytte etter fullført emne:
Studenten
- har kunnskap om tradisjonelle og utforskande tilnærmingar til leire som materialområde i skulen
- har kunnskap om val av høvelege teknikkar og verkty til konkrete oppgåveløysingar
- har kunnskap om designprosessar, form- og funksjonsanalyse
- har kjennskap til kunst og kulturstoff knytt til gjenstandskulturen
- har kjennskap til oppbygging av ein enkel leireverkstad, samt kunnskap om stell og vedlikehald av verkty og utstyr
- har kunnskap om planlegging, gjennomføring og vurdering knytt til undervisning i leire
- har kunnskap om korleis ein kan fremje læring gjennom arbeid med leire
- har kunnskap om bærekraftige tilnærmingar knytt til undervisning i leire
Studenten
- kan planlegge, legge til rette for og leie eleven sitt arbeid med tradisjonelle og utforskande tilnærmingar i leire
- kan utforske materialet leire sine funksjonelle og visuelle eigenskapar i møte med elevar sin eigen kultur og interesser
- kan støtte eleven i arbeidet med designprosessar
- kan organisere ein leireverkstad for undervisning, samt enkelt vedlikehald av verkty og utstyr
- kan gjere greie for ulike produkt sine kulturelle referansar, mellom anna den samiske.
- kan ivareta bærekraftige perspektiv i planlegging og organisering av undervisning
Studenten
- kan reflektere kring relevante helse-, miljø- og sikkerheits-tiltak knytt til fagområdet leire i skulen
- kan utnytte faget sitt potensiale i å fremme berekraftig utvikling
- kan utveksle synspunkt og erfaringar med bakgrunn i fagområdet, og gjennom dette bidra til utvikling av god praksis i skulen.
Emnet er nett- og samlingsbasert med to samlingar på Høgskulen i Volda. I tillegg vert det lagt opp til digitale læringsløyper og nettbasert veiledning mellom samlingane, og studenten må pårekne noko praktisk arbeid med leire heime.
Samlingane vil sikre at studentane får nødvendig undervisning og rettleiing i praktisk arbeid i verkstadane. Studenten får erfaring med bruk av verkty og utstyr, samt kunnskap om varierte arbeidsmåtar i leire.
Arbeids- og undervisningsformene i studiet vil veksle mellom praktisk og teoretisk tilnærming og oppgåveløysing, og didaktisk refleksjon knytt til studenten si eiga praksiserfaring. Digitale læringsressursar blir brukt i studiet.
Frammøtekrav:
Det er obligatorisk frammøte og deltaking i alle organiserte læringsaktivitetar og undervisning jamfør Forskrift om opptak, studium og eksamen ved Høgskulen i Volda § 7-6
Arbeidskrav:
80 % gjenomføring av alle læringsløyper i semesteret. Kvar læringsløype inneheld oppgåver som studentane skal gjennomføre innan fastsett frist. Les meir om arbeidskrav i Forskrift om studium og eksamen ved Høgskulen i Volda § 7-7.
Sensur vert gjennomført i samsvar med Forskrift om opptak, studium og eksamen ved Høgskulen i Volda - Kapittel 10.
Studentane betaler ei materialavgift på kr. 800,- til material og utstyr dei disponerer.
- Clay and textiles in School
| Vurderingsform | Gruppering | Varighet | Karakterskala | Andel | Kommentar | Hjelpemidler | Omfang |
|---|---|---|---|---|---|---|---|
Portfolio | Individual | 1 Semester | Pass / fail | Ei mappe med praktiske arbeid og fagdidaktisk refleksjon. |